Close
Welcome to Green Books India
Malayalathinte Suvarnakathakal Sarah Joseph

Malayalathinte Suvarnakathakal Sarah Joseph

Author: Sarah Joseph

star

മലയാളത്തിന്റെ സുവർണ്ണകഥകൾ സാറാ ജോസഫ്

Add to Basket

Product Description

വര്‍ത്തമാന കാലഘട്ടത്തിലെ ജീവിതകാഠിന്യങ്ങള്‍ക്കു നേരെയാണ് സാറാ ജോസഫ് എന്ന എഴുത്തുകാരി തന്റെ പേന ഉയര്‍ത്തിപ്പിടിക്കുന്നത്. മാലിന്യങ്ങളുടെ കൂടാരങ്ങളായ റെയില്‍വേ കോളനികള്‍, അഴുക്കുചാലുകള്‍ക്കുമേല്‍ കെട്ടിപ്പൊക്കിയ കീറച്ചാക്കുകളുടെ വാസഗൃഹങ്ങള്‍, ദയനീയമായ ലക്ഷം വീട് കോളനികള്‍ എന്നിവിടങ്ങളിലെല്ലാം ഈ കഥകളിലെ അന്തേവാസികള്‍ ജീവിക്കുന്നു. കൊതുകടിയേറ്റ് ലൈംഗിക സ്വപ്‌നങ്ങള്‍പോലും അവര്‍ക്ക് നിഷിദ്ധമാകുന്നു. അധഃകൃതനാകട്ടെ ഭയന്നു വിറയ്ക്കുന്നു. അവര്‍ നടു കുനിച്ചു, വാ പൊത്തി നില്‍ക്കുന്നു, ചരിത്രത്തിലുടനീളം. ശംബൂകന്റെ മക്കള്‍ ചോദിക്കുന്നു, 'എഴുത്താളരേ എഴുത്തില്‍ ഞങ്ങള്‍ക്കിടം തരാത്തതെന്തേ?' എഴുത്ത് ഇവിടെ മൂര്‍ച്ചയുള്ള ഒരായുധമായി മാറുന്നു, പോരാട്ടത്തിന്റെയും.

No reviews found

About Author

Sarah Joseph

Sarah Joseph

About Sarah Joseph

അധ്യാപിക, നോവലിസ്റ്റ്, രാഷ്ട്രീയ-സാമൂഹ്യപ്രവര്‍ത്തക. 1946 ഫെബ്രുവരി 10ന് തൃശൂരിലെ കുരിയച്ചിറയില്‍ ജനനം. ചേലക്കോട്ടുകര മാര്‍ തിമോത്തിയോസ് ഹൈസ്‌കൂളില്‍ വിദ്യാഭ്യാസം. ഗവ. കോളേജ് അധ്യാപികയായി വിരമിച്ചു. കേരള സാഹിത്യ അക്കാദമി മെമ്പറായിരുന്നു. മലയാള സാഹിത്യത്തില്‍ തന്റെ നോവലുകളും കഥകളുമായി സ്ഥിരപ്രതിഷ്ഠ നേടിയ ഒരെഴുത്തുകാരി കൂടിയാണ് സാറാ ജോസഫ്. ഇപ്പോള്‍ കേരളത്തിലെ ഫെമിനിസ്റ്റ് പ്രസ്ഥാനത്തിന്റെ പ്രധാന സംഘാടകയും പ്രവര്‍ത്തകയും. പ്രശസ്ത രചനകള്‍: മനസ്സിലെ തീ മാത്രം, കാടിന്റെ സംഗീതം, നന്മതിന്മകളുടെ വൃക്ഷം, പാപത്തറ, നിലാവറിയുന്നു, ഒടുവിലത്തെ സൂര്യകാന്തി, കാടിതു കണ്ടായോ കാന്താ, പുതുരാമായണം - രാമകഥകള്‍ വീണ്ടും പറയുന്നു, ആലാഹയുടെ പെണ്‍മക്കള്‍, മാറ്റാത്തി, ഒതപ്പ്, ഊരുകാവല്‍. പുരസ്‌കാരങ്ങള്‍: കേന്ദ്ര-കേരള സാഹിത്യ അക്കാദമി അവാര്‍ഡ്, ചെറുകാട് അവാര്‍ഡ്, വയലാര്‍ അവാര്‍ഡ്, പ്രഥമ ഒ. ചന്തുമേനോന്‍ പുരസ്‌കാരം, അബുദാബി അരങ്ങ് അവാര്‍ഡ്, കുവൈറ്റ് കലാ പുരസ്‌കാരം, ശ്വാസ്വതി നാഷണല്‍ അവാര്‍ഡ്, പ്രഥമ കലൈഞ്ജര്‍ കരുണാനിധി സാഹിത്യ പുരസ്‌കാരം.