Blog : രാഷ്ട്രീയ നോവല്‍ - Green Books India Pvt Ltd - Publishers of Quality Books In Kerala

രാഷ്ട്രീയ നോവല്‍

രണ്ടിടങ്ങഴിക്കുശേഷം പിറന്ന മലയാളത്തിലെ രാഷ്ട്രീയ നോവല്‍

    മലയാളത്തിന്റെ രണ്ടാമത്തെ രാഷ്ട്രീയനോവലാണ് കെ.വി. മോഹന്‍കുമാറിന്റെ 'ഉഷ്ണരാശി'. വര്‍ഗ്ഗസമരത്തിന്റെ തീവ്രതയെ വരച്ചുകാണിച്ച തകഴിയുടെ രണ്ടിടങ്ങഴിയാണ് മലയാളത്തിന്റെ ആദ്യത്തെ രാഷ്ട്രീയനോവല്‍. ചോരയില്‍ കുതിര്‍ന്ന പുന്നപ്ര വയലാര്‍ വിപ്ലവത്തിന്റെ സംഭവബഹുലമായ കഥ. കാലത്തിന്റെ തനിമയോടെ കരപ്പുറത്തിന്റെ ഇതിഹാസമായി ആലേഖനം ചെയ്ത കൃതി. കരപ്പുറത്തിന്റെ ഇതിഹാസം ഒരു നാടിന്റെ മുഴുവന്‍ ഇതിഹാസമായി മാറുന്നു. ജന്മി-നാടുവാഴിത്ത കാലത്തിന്റെ പൈശാചികത, സര്‍ സി.പിയുടെ പൊലീസിന്റെയും പട്ടാളത്തിന്റെയും ചോരക്കുരുതികള്‍, അടിച്ചമര്‍ത്തപ്പെട്ട കുടികിടപ്പുകാരുടെ ചവിട്ടിയരയ്ക്കപ്പെട്ട ജീവിതയാഥാര്‍ത്ഥ്യങ്ങള്‍, ജന്മിമാരുടെ ക്രൂരമായ ബലാത്സംഗങ്ങള്‍, ഒരു ഫ്‌ളാഷ് ബാക്കിലെന്നപോലെ കഥ. ഐതിഹാസികമായ ഒരു ഭൂതകാലവും കരപ്പുറത്തിന്റെ വര്‍ത്തമാനകാലവും സമ്മിശ്രമായി കണ്ണി ചേര്‍ക്കപ്പെട്ടിരിക്കുന്നു. പൊലീസ് മര്‍ദ്ദകരുടെ അതിഹീനമായ പീഡനമുറകളില്‍ ആത്മഹത്യ ചെയ്ത അടിയാളത്തികള്‍. കഠിനപീഡനങ്ങളില്‍ ബലാത്സംഗങ്ങളില്‍ ഓര്‍മ്മകളുടെ ബോധഞരമ്പുകള്‍ പൊട്ടിയ സമരക്കിടാത്തികള്‍....

    അവര്‍ ചീന്തിയ രക്തമാണ് തിരുവിതാംകൂറിനെ സ്വതന്ത്രമാക്കിയത്. അവര്‍ ബലികൊടുത്ത ഉയിരാണ് ഈ നാടിനെ ജനകീയഭരണത്തിലേക്ക് നയിച്ചത്. പുന്നപ്ര-വയലാര്‍ കഥയെഴുതുന്ന അപരാജിതയും മൃണാള്‍ദായുമൊക്കെ നോവലിന്റെ തിളക്കം വര്‍ധിപ്പിക്കുന്ന കഥാപാത്രങ്ങളാണ്. അന്നത്തെ സമരസഖാക്കള്‍ പലരും ഈ നോവലില്‍ കഥാപാത്രങ്ങളായി വരുന്നുണ്ട്.

    ഹൃദയത്തെ മഥിക്കുന്ന തകഴിയുടെ 'രണ്ടിടങ്ങഴി'യിലെ വര്‍ഗസമരംപോലെ പുന്നപ്ര വയലാര്‍ സമരത്തിന്റെ തിളയ്ക്കുന്ന സംഭവപരമ്പരകള്‍ക്ക് പുതുജീവന്‍ കൊടുക്കാന്‍ മോഹന്‍കുമാറിന്റെ ഉഷ്ണരാശി എന്ന നോവലിന് കഴിഞ്ഞു. സമരസഖാക്കളുടെ ചരിത്രം തീരാത്ത നൊമ്പരങ്ങളാണ് അവശേഷിപ്പിക്കുന്നത്. മുറിവേറ്റ മനസ്സും ശരീരവുമായി മരിച്ചുജീവിക്കുന്ന ധാരാളം മനുഷ്യരുടെ ചിത്രങ്ങള്‍ ഉഷ്ണരാശിയില്‍  നിരന്നുനില്‍ക്കുന്നു. ഒരു ചരിത്രാഖ്യായിക എന്ന നിലയിലായിരിക്കും ഉഷ്ണരാശി സാഹിത്യചരിത്രത്തില്‍ അടയാളപ്പെടുത്തുക. സ്മൃതിക്ഷതങ്ങളുടെ വിടവുകള്‍ പൂരിപ്പിച്ചുകൊണ്ട് പ്രതിരോധത്തില്‍ ഊന്നിയ ഒരു ഉജ്ജ്വല നോവല്‍. കാലത്തിനൊപ്പം അനുസ്യൂതം സഞ്ചരിക്കുന്ന വര്‍ഗ്ഗസമരത്തിന്റെ ഐതിഹാസിക കഥ.

ഉഷ്ണരാശി (നോവല്‍)
കെ.വി.മോഹന്‍കുമാര്‍
വില: 399.0



Comments will be displayed only after admin approval

Name
E-mail
Enter the code
greenbooks
FORTH COMING BOOKS

 

ON LITERATURE
മായാസൂര്യന്‍ സ്വന്തം ബുദ്ധിശക്തി ആര്‍ക്കും പണയപ്പെടുത്താതെ ചിന്തിക്കുകയും പ്രവര്‍ത്തിക്കുകയും ചെയ്യുമ്പോള്‍ മാത്രമാണ് യാഥാര്‍ത്ഥ്യങ്ങള്‍ തിരിച്ചറിയാന്‍ കഴിയുന്നത്.  എഴുത്ത് ഒരു സ്വപ്നവ്യാപാരമെന്ന തലംവിട്ട്, അനിവാര്യമായ ഒരു സാംസ്‌കാരിക ആക്ടിവിസമായിക്കാണുന്ന സക്കറിയ, തന്റെ പ്രതികരണങ്ങളിലെല്ലാം ഒരു മൂന്നാംകണ്ണിന്റെ ജാഗ്രതാബോധം പുലര്‍ത്തുന്നു. സക്കറിയയുടെ പ്രഭാഷണങ്ങള്‍ക്കും പ്രതികരണങ്ങള്‍ക്കും ചിന്തകള്‍ക്കും ഒരു പ്രതിരോധമൂല്യമുണ്ട്. ഏത ...
പടിയിറങ്ങാത്ത ഒരുവളെക്കുറിച്ച്‌ വേദനകളുടെ ഘോഷയാത്രകള്‍ തന്ന പകപ്പിലും പിടച്ചിലിലുംപെട്ട് അക്ഷരങ്ങളെ നെഞ്ചോട് ചേര്‍ക്കുന്ന പ്രിയ എ.എസ്സിന്റെ വിമൂകമാം വരികള്‍...  ഒരക്ഷരം എഴുതാനാകാതെ ഞാന്‍ പിടഞ്ഞ ഒരുവര്‍ഷക്കാലം. നട്ടെല്ല്, പിണങ്ങിനുറുങ്ങിപ്പോയിരുന്നു. 2015 ഏപ്രില്‍ മുതല്‍ 2016 ജൂണ്‍ വരെ ആശുപതികള്‍ എന്നെ വിഴുങ്ങുകയും ഞാന്‍ ഗുളികകള്‍ വിഴുങ്ങുകയും ചെയ്തു. ഇനിയും ഞാന്‍ എണീറ്റിരിക്കും എന്ന് എന്റെ മകനുമാത്രമേ ഉറപ്പുണ്ടായിരുന്നുള്ളൂ.വേദനകളുടെ ഘോഷയാത്രകള്‍ തന്ന പകപ്പിലും പി ...
അകലങ്ങളില്‍ അലിഞ്ഞുപോയവര്‍ ആത്മഹത്യയെക്കുറിച്ച് അസാധാരണമായൊരു പുസ്തകം  മനോരോഗങ്ങളുടെ നിഗൂഢതകളിലേക്കു നടന്നുപോയ അജ്ഞാത മനുഷ്യരുടെ എഴുതപ്പെടാത്ത കഥകള്‍. എല്ലാവരും മരണത്തിന്റെ തണുപ്പിലേക്കാണ് നടന്നുപോയത്. അവരുടെ ഉള്ളകങ്ങള്‍ നീറുന്ന ചൂളകളായിരുന്നു. ഇതിലെ ഓരോ കഥയും അസ്വാരസ്യതയുടെ കൊടുങ്കാറ്റായി മാറുന്നു. വായനക്കാരന്റെ മനോനിലകളിലേക്ക് ഒരു നെരിപ്പോട് പോലെ അവ നീറി പടരുന്നു. പാരനോയ്ഡ് സ്‌കിസോഫ്രീനിയ, ഫോബിയ, സംഘര്‍ഷവ്യാധി തുടങ്ങിയ മനോരോഗവിശകലനങ്ങളെ അര്‍ത്ഥപൂര് ...