Blog : മതം ഫാഷിസം ഇടതുപക്ഷം - Green Books India Pvt Ltd - Publishers of Quality Books In Kerala

മതം ഫാഷിസം ഇടതുപക്ഷം

  
ഭീകരതയ്‌ക്കെതിരെ വ്യക്തമായ നിലപാട് എടുക്കേണ്ടതിന്റെ ആവശ്യകത

  ഹൈന്ദവ വലതുപക്ഷത്തെ മാത്രം പ്രതിക്കൂട്ടില്‍ നിര്‍ത്തുകയും അത്രതന്നെ സാന്ദ്രതയേറിയ വിഷം പമ്പ് ചെയ്യുന്ന ഇസ്ലാമിക വലതുപക്ഷത്തെ വെറുതെ വിടുകയും ചെയ്യുന്ന ഇടതുപക്ഷശൈലി ചുളുവില്‍ തഴച്ചുവളരാന്‍ സംഘപരിവാറിനെ സഹായിക്കുന്നു എന്ന ഒരു ആരോപണവും ഈ കൃതിയിലുണ്ട്. ഭീകരതയ്‌ക്കെതിരെ വ്യക്തമായ ഒരു നിലപാട് എടുക്കേണ്ടതിന്റെ ആവശ്യകത ഈ പുസ്തകം ഊന്നിപ്പറയുന്നു. 

    അസഹിഷ്ണുതയുടെ ബീഭത്സമുഖം മതമൗലികവാദത്തിന് വേരോട്ടമുള്ള രാജ്യങ്ങളില്‍ എവിടെയും പത്തി വിടര്‍ത്തിയാടുകയാണ്. ഇസ്ലാമിക് സ്റ്റേറ്റ് ലോകത്തെമ്പാടും ഭീകരതകള്‍ വിതരണം ചെയ്യുന്നു. അതിന്റെ നേര്‍സാക്ഷ്യങ്ങള്‍ കേരളത്തില്‍പോലും നിഴല്‍ വിരിച്ചാടുന്നു എന്നത് കേവലമായ യാദൃച്ഛികസംഭവങ്ങളായി തള്ളിക്കളയാവുന്നതല്ല. ബഹുസ്വരതയ്ക്ക് ശവമഞ്ചം തീര്‍ക്കുന്ന ഹിന്ദുവര്‍ഗ്ഗീയതയും ഇസ്ലാം വര്‍ഗീയതയും തങ്ങളുടെ ഏകസ്വരതയുടെ മതാധിപത്യത്തിന് അടിത്തറയിടുകയാണ്. ഇരുപക്ഷത്തും മുഖ്യശത്രു മാനവികതയാണ്. അവര്‍ ജനാധിപത്യവും മതേതരത്വവും ദേശീയതയും തള്ളിക്കളയാനാണ് ആഹ്വാനം ചെയ്യുന്നത്. സോഷ്യലിസവും ഹ്യൂമനിസവും കമ്മ്യൂണിസവും കാലഹരണപ്പെട്ടു എന്നാണ് മതതീവ്രവാദികളുടെ വിശ്വാസപ്രമാണം. പൗരസ്വാതന്ത്ര്യത്തിന്റെ സ്വതന്ത്രഭാഷണവും വിയോജിക്കാനുള്ള അവകാശവും സമഗ്രാധിപത്യവ്യവസ്ഥിതിയുടെ ഇരുമ്പുമുഷ്ടിയിലേക്ക് അമര്‍ന്നുകൊണ്ടിരിക്കുന്നു. ഫെഡറല്‍ സംവിധാനങ്ങള്‍ തകര്‍ത്തുകൊണ്ട് പശുരാഷ്ട്രീയം പ്രശ്‌നാധിഷ്ഠിതമായ അവസ്ഥാവിശേഷം സൃഷ്ടിക്കുന്നു. സെക്കുലര്‍ ലിബറല്‍ കാഴ്ചപ്പാടുകള്‍ക്കുനേരെ ചീറിവരുന്നത് വെടിയുണ്ടകളാണ്. സ്ത്രീകള്‍ മൃഗീയമായ ലൈംഗികചൂഷണത്തിന്റെ ഇരകളായി ചവിട്ടിമെതിക്കപ്പെടുന്നു. 

    മറുചിന്തകളോ മറുശബ്ദങ്ങളോ ഇല്ലാത്തവിധം ഗുണ്ടാദേശീയത ഉരുവം കൊള്ളുന്നു. ജിഹാദ് സലഫിസവും രാഷ്ട്രീയ തക്ഫിറിസവും കൂടിക്കലര്‍ത്തിയ ഐ.എസ്സിന്റെ സങ്കരപ്രത്യയശാസ്ത്രം, വിയോജനസ്വാതന്ത്ര്യത്തിന് ദേശദ്രോഹമുദ്ര നല്‍കുന്നത്, സംവിധായകന്‍ കമലിനോട് ഒരു ചോദ്യം, ഏകീകൃത പൗരനിയമം, മുത്തലാഖിന്റെ നിയമവശം തുടങ്ങി അനവധി വിഷയങ്ങള്‍ ഈ കൃതിയില്‍ പരാമര്‍ശിക്കപ്പെടുന്നു. സര്‍വ്വസ്വീകാര്യമായ ഒരു മുസ്ലീം വ്യക്തിനിയമസംഹിത ലോകത്തിലൊരിടത്തും ഇല്ല. മുസ്ലീം രാഷ്ട്രങ്ങളും മുസ്ലീം സംഘടനകളും ഏകസ്വരത്തില്‍ അംഗീകരിക്കുന്ന ഒരു ശരീഅത്ത് ഒരിടത്തും ഇല്ലെന്നും പറയുന്നു. മുഖ്യാധാരാ ഇടതുപക്ഷം തസ്ലീമ നസ്‌റീന്‍ എന്ന എഴുത്തുകാരിയോട് കാണിച്ചത് ഗുരുതരമായ അപരാധവും അനീതിയുമാണെന്ന് പറയാനുള്ള ആര്‍ജ്ജവവും  ഹമീദ് ചേന്നമംഗലൂര്‍ പ്രകടിപ്പിക്കുന്നു. 



Comments will be displayed only after admin approval

Name
E-mail
Enter the code
greenbooks
FORTH COMING BOOKS

 

ON LITERATURE
സൈബർ ക്രൈം പോര്‍ണോഗ്രാഫി, ഓണ്‍ലൈന്‍ മോഷണങ്ങള്‍, മയക്കുമരുന്ന് വില്പന, ചൂതാട്ടം, അപകീര്‍ത്തിപ്പെടുത്തല്‍, സൈബര്‍ ഭീകരവാദം, ഡെത്ത് ഗെയിം തുടങ്ങിയ കുറ്റകൃത്യങ്ങള്‍ നിറഞ്ഞുനില്‍ക്കുന്ന ഒരു സൈബര്‍ കാലഘട്ടമാണിത്. അവയെ വേണ്ടവിധം അറിയാനുള്ള വായനക്കാരന്റെ ആകാംക്ഷയാണ് ഈ കൃതി. വിവരസാങ്കേതികവിദ്യ ഉപയോഗിക്കുന്നവര്‍ നിശ്ചയമായും വായിച്ചിരിക്കേണ്ട പുസ്തകം. ...
ആത്മഹത്യ കഥകൾ     ഈ പുസ്തകം വെറും ഒരു കഥാസമാഹാരമല്ല. അതിസങ്കീര്‍ണമായ മാനസികവിഷമങ്ങള്‍ അനുഭവിക്കുന്നവരുടെ കഥകള്‍ മനശ്ശാസ്ത്ര കാഴ്ചപ്പാടിലൂടെ അവതരിപ്പിക്കുന്നു. വ്യത്യസ്തരായ ആറ് കഥാപാത്രങ്ങള്‍. ആറ് കഥകള്‍. താളം തെറ്റിയ മനുഷ്യമനസ്സുകളാണ് വിഷയം.    ആത്മഹത്യാശ്രമം പലപ്പോഴും സഹായമഭ്യര്‍ത്ഥിച്ചുകൊണ്ടുള്ള മൗനരോദനങ്ങളാണ്. നിഷ്ഫലമായ അതിജീവനശ്രമങ്ങളുടെ ദാരുണ അന്ത്യവും. ജീവിച്ചുകൊതിതീരാത്ത ഒരാളുടെ വേദനാജനകമായ അന്ത്യമാണ് സംഭവിക്കുക. വ്യക്തികള ...
കോഴിക്കോടൻ ചലച്ചിത്രഗ്രന്ഥ പുരസ്‌കാരം നീലന് കോഴിക്കോടൻ സ്മാരകസമിതിയുടെ കോഴിക്കോടൻ ചലച്ചിത്രഗ്രന്ഥ പുരസ്‌കാരം നീലന് നൽകുമെന്ന് സെക്രട്ടറി പി.ആർ.നാഥൻ പത്രസമ്മേളനത്തിൽ അറിയിച്ചു. നീലന്റെ 'സിനിമ  സ്വപ്നം ജീവിതം' എന്ന കൃതിക്കാണ് പുരസ്കാരം. 10,001 രൂപയും ശില്പവും അടങ്ങുന്നതാണ് അവാർഡ്. 20 ന് 5.30 ന് കോഴിക്കോട് കെ.പി.കേശവമേനോൻ ഹാളിൽ ശ്രീകുമാരൻ തമ്പി പുരസ്‌കാരം നൽകും. ...