Blog : നിര്‍ഭയം - Green Books India Pvt Ltd - Publishers of Quality Books In Kerala

നിര്‍ഭയം

നിര്‍ഭയം: വരുംകാല വിവാദങ്ങളിലേക്കുള്ള ക്ഷണക്കത്ത്‌

    സിബി മാത്യൂസ്, കേരള മനസ്സാക്ഷി ഏറ്റവുമധികം വിശ്വാസം അര്‍പ്പിച്ച പൊലീസ് ഉദ്യോഗസ്ഥരില്‍ ഒരാള്‍.  കോളിളക്കമുണ്ടാക്കിയ കേസുകളിലും കൊലപാതകങ്ങളിലുമെല്ലാം സര്‍ക്കാരുകള്‍ വിശ്വാസപൂര്‍വം അന്വേഷണം ഏല്പിച്ചത് അദ്ദേഹത്തെയായിരുന്നു. പൊതുസമൂഹവും കറപുരളാത്ത ഉദ്യോഗസ്ഥനായി അദ്ദേഹത്തെ മനസ്സില്‍ പ്രതിഷ്ഠിച്ചു. അതോടെ പ്രമാദമായ കേസുകളെല്ലാം സിബി മാത്യുസ് അന്വേഷിക്കണം എന്ന് പൊതുസമൂഹവും ആവശ്യപ്പെടുന്ന സ്ഥിതിയുണ്ടായി. തെളിയാത്ത പല കേസുകളും അദ്ദേഹം തെളിയിച്ചു. തെളിവില്ലാത്ത കേസുകളില്‍ പലതിനും തുമ്പുണ്ടാക്കി. നിര്‍ഭയം എന്ന പുസ്തകത്തില്‍ തന്റെ സര്‍വീസ് അനുഭവക്കുറിപ്പുകള്‍ അദ്ദേഹം പകര്‍ത്തുമ്പോള്‍ അത് ഒരു ഐ.പി.എസ് ഓഫീസറുടെ സര്‍വീസ് സ്റ്റോറിയായി മാറുന്നു.

    ചാരക്കേസിലെ ചാരം മൂടിപ്പോകാത്ത ചില സത്യങ്ങളും സി.ബി.ഐ ഡയറിക്കുറിപ്പ് സിനിമയിലേക്ക് വഴിതെളിച്ച പോളക്കുളം ടൂറിസ്റ്റ് ഹോമിലെ ജീവനക്കാരന്റെ കൊലപാതകവും മദ്രാസിലെ മോന്‍ എന്ന സിനിമയ്ക്ക് കാരണമായ കരിക്കന്‍വില്ല കൊലക്കേസും കല്ലുവാതുക്കല്‍ മദ്യദുരന്തത്തിന്റെ അന്വേഷണവും അപരിചിതനായ ഒരാള്‍ സ്പിരിറ്റ് സൂക്ഷിപ്പ് കേന്ദ്രത്തിന്റെ നിഗൂഢതകള്‍ വെളിപ്പെടുത്തുന്നതും ഒരു കുറ്റാന്വേഷണ കഥ വായിക്കുന്ന ത്രില്ലില്‍ ഈ പുസ്തകത്തില്‍ വായിക്കാം. ഇന്നും ഉത്തരങ്ങള്‍ ബാക്കിയായി നില്‍ക്കുന്ന സൂര്യനെല്ലി കേസില്‍ പി.ജെ.കുര്യന്‍ പ്രതിയല്ല എന്ന് സിബി മാത്യൂസ് എന്തുകൊണ്ട് പറഞ്ഞുവെക്കുന്നു എന്നും അതിനുള്ള ന്യായീകരണവും അദ്ദേഹം പുസ്തകത്തില്‍ പറയുന്നുണ്ട്.
രാഷ്ട്രീയ-മാധ്യമ വിദ്യാര്‍ത്ഥികള്‍ക്കും പൊലീസുകാര്‍ക്കും ഒരേസമയം ഏറെ വിവരസൂചകങ്ങള്‍ ഉള്‍ക്കൊള്ളുന്നതാണ് ഈ പുസ്തകം. ഐ.എ.എസ്. തലനാരിഴയ്ക്ക് നഷ്ടപ്പെട്ട് ഐ.പി.എസ്സിലേക്ക് എത്തിയത് മുതല്‍ ഈശ്വരവിശ്വാസം കരിയറില്‍ ഏറെ ഗുണം ചെയ്തുവെന്നും സിബി മാത്യൂസ് കുറിക്കുന്നു. പൊലീസ് സേനയും അതില്‍ രാഷ്ട്രീയ ഇടപെടലും അവരെ ഉപയോഗിക്കുന്നതിലെ തെറ്റുമൊക്കെ അദ്ദേഹം സവിസ്തരം വിവരിക്കുന്നു.

    പുസ്തകത്തില്‍ നല്ലൊരു ഭാഗവും പൊലീസ് സേനയിലെ ഈഗോയും പാരവെയ്പും ക്രെഡിറ്റിന്റെ പേരിലുള്ള മത്സരവും ഒക്കെയാണ് ഉള്‍ക്കൊള്ളുന്നത്. കലാപങ്ങള്‍ക്ക് കാരണം തേടി വേറെ അലയേണ്ടെന്ന് അദ്ദേഹം പറഞ്ഞുവെക്കുന്നതിന്റെ അര്‍ത്ഥം ഒരു സൂചനയാണ്.

മനു കുര്യന്‍ (മാതൃഭൂമി)



Comments will be displayed only after admin approval

Name
E-mail
Enter the code
greenbooks
FORTH COMING BOOKS

 

ON LITERATURE
സൈബർ ക്രൈം പോര്‍ണോഗ്രാഫി, ഓണ്‍ലൈന്‍ മോഷണങ്ങള്‍, മയക്കുമരുന്ന് വില്പന, ചൂതാട്ടം, അപകീര്‍ത്തിപ്പെടുത്തല്‍, സൈബര്‍ ഭീകരവാദം, ഡെത്ത് ഗെയിം തുടങ്ങിയ കുറ്റകൃത്യങ്ങള്‍ നിറഞ്ഞുനില്‍ക്കുന്ന ഒരു സൈബര്‍ കാലഘട്ടമാണിത്. അവയെ വേണ്ടവിധം അറിയാനുള്ള വായനക്കാരന്റെ ആകാംക്ഷയാണ് ഈ കൃതി. വിവരസാങ്കേതികവിദ്യ ഉപയോഗിക്കുന്നവര്‍ നിശ്ചയമായും വായിച്ചിരിക്കേണ്ട പുസ്തകം. ...
ആത്മഹത്യ കഥകൾ     ഈ പുസ്തകം വെറും ഒരു കഥാസമാഹാരമല്ല. അതിസങ്കീര്‍ണമായ മാനസികവിഷമങ്ങള്‍ അനുഭവിക്കുന്നവരുടെ കഥകള്‍ മനശ്ശാസ്ത്ര കാഴ്ചപ്പാടിലൂടെ അവതരിപ്പിക്കുന്നു. വ്യത്യസ്തരായ ആറ് കഥാപാത്രങ്ങള്‍. ആറ് കഥകള്‍. താളം തെറ്റിയ മനുഷ്യമനസ്സുകളാണ് വിഷയം.    ആത്മഹത്യാശ്രമം പലപ്പോഴും സഹായമഭ്യര്‍ത്ഥിച്ചുകൊണ്ടുള്ള മൗനരോദനങ്ങളാണ്. നിഷ്ഫലമായ അതിജീവനശ്രമങ്ങളുടെ ദാരുണ അന്ത്യവും. ജീവിച്ചുകൊതിതീരാത്ത ഒരാളുടെ വേദനാജനകമായ അന്ത്യമാണ് സംഭവിക്കുക. വ്യക്തികള ...
കോഴിക്കോടൻ ചലച്ചിത്രഗ്രന്ഥ പുരസ്‌കാരം നീലന് കോഴിക്കോടൻ സ്മാരകസമിതിയുടെ കോഴിക്കോടൻ ചലച്ചിത്രഗ്രന്ഥ പുരസ്‌കാരം നീലന് നൽകുമെന്ന് സെക്രട്ടറി പി.ആർ.നാഥൻ പത്രസമ്മേളനത്തിൽ അറിയിച്ചു. നീലന്റെ 'സിനിമ  സ്വപ്നം ജീവിതം' എന്ന കൃതിക്കാണ് പുരസ്കാരം. 10,001 രൂപയും ശില്പവും അടങ്ങുന്നതാണ് അവാർഡ്. 20 ന് 5.30 ന് കോഴിക്കോട് കെ.പി.കേശവമേനോൻ ഹാളിൽ ശ്രീകുമാരൻ തമ്പി പുരസ്‌കാരം നൽകും. ...