Blog : അകലങ്ങളില്‍ അലിഞ്ഞുപോയവര്‍ - Green Books India Pvt Ltd - Publishers of Quality Books In Kerala

അകലങ്ങളില്‍ അലിഞ്ഞുപോയവര്‍

സൈക്യാട്രിക് കഥകള്‍ - ഇതുപോലൊരു  പുസ്തകം മലയാളത്തില്‍ ഉണ്ടായിട്ടില്ല.

    ആത്മഹത്യാശ്രമങ്ങള്‍ പലപ്പോഴും ഒരു കൈസഹായത്തിനു വേണ്ടിയുള്ള മൗനരോദനങ്ങളുടെ അതിദാരുണമായ കരച്ചിലായിരിക്കും. ആ നിലവിളി കേള്‍ക്കാതിരുന്നാല്‍, കേള്‍ക്കാന്‍ വൈകിയാല്‍, മരിക്കാനൊരാള്‍ തെരഞ്ഞെടുക്കുന്ന മാര്‍ഗം അതീവമാരകവുമാകാം. ജീവിച്ചു കൊതി തീരാത്ത ഒരാളുടെ വേദനാജനകമായ അന്ത്യത്തിനാകും നമ്മള്‍ സാക്ഷിയാവുക. ഇതിലെ ആറ് കഥകളിലും വ്യത്യസ്തപ്രായത്തിലുള്ള വ്യത്യസ്ത സാഹചര്യത്തില്‍ ജീവിച്ച മനുഷ്യരുടെ, നെരിപ്പോടില്‍ എരിയുന്ന ചിന്തകളുടെ പ്രത്യക്ഷ സാക്ഷ്യങ്ങളാണ്. കഥാവസാനത്തില്‍ അവരെല്ലാം വിമൂകമായി നമ്മോട് വിട പറയുന്നു. താളംതെറ്റിയ മനുഷ്യാവസ്ഥയുടെ ജീവിതസംഘര്‍ഷങ്ങള്‍ വായനക്കാര്‍ക്ക് അനുഭവവേദ്യമാക്കാന്‍ അസാധാരണമായ രചനാവൈഭവമാണ് ഈയെഴുത്തുകാരന്‍ പ്രകടിപ്പിച്ചിട്ടുള്ളത്. കഥാപാത്രങ്ങളുടെ വ്യഥകളുമായുള്ള എഴുത്തിന്റെ താദാത്മ്യം അതിശയിപ്പിക്കുന്നതും വായനയെ അമ്പരപ്പിക്കുന്നതുമാണ്.

അകലങ്ങളില്‍ അലിഞ്ഞുപോയവര്‍ 
ഡോ.എന്‍.സുബ്രഹ്മണ്യന്‍
ആരോഗ്യം വില: 125.00



Comments will be displayed only after admin approval

Name
E-mail
Enter the code
greenbooks
FORTH COMING BOOKS

 

ON LITERATURE
ഓര്‍മ്മകളുടെ തൂവാനത്തുമ്പികള്‍ പത്മരാജന്റെ ജീവിതസഖി രാധാലക്ഷ്മി എഴുതിയ ഓര്‍മ്മപുസ്തകം. പ്രായം ചെല്ലുംതോറും മനസ്സ് കൂടുതല്‍ സമയം പുറകോട്ടോടുകയും കഴിഞ്ഞതെല്ലാം നല്ലതിനായിരുന്നു എന്ന തീരുമാനത്തില്‍ എത്തിച്ചേരുകയും ചെയ്യും. ഇന്നിനെക്കുറിച്ചോ നാളെയെക്കുറിച്ചോ ഒന്നും ചിന്തിക്കാനില്ലാത്തതുപോലെ എന്തിനിങ്ങനെ കഴിഞ്ഞകാലത്തെക്കുറിച്ച് മാത്രം ഓര്‍ക്കുന്നു എന്ന് പലപ്പോഴും സ്വയംവിശകലനം ചെയ്തുനോക്കും. എഴുപതുകളിലേക്ക് കടക്കുന്ന ഒരു സ്ത്രീക്ക് ഭാവികാലം എന്നത് കേവലം തുച ...
കഴിഞ്ഞ വസന്തകാലത്തില്‍ നമ്മുടെയെല്ലാം പ്രണയമധുരങ്ങളും സ്‌നേഹഭൂപടങ്ങളും ഇക്കഥകളില്‍ നിറഞ്ഞുതുടിക്കുകയാണ്. ഹൃദയം ഹൃദയത്തോട് ഓതുന്ന രഹസ്യഭാഷണങ്ങള്‍; മിഴിനീര്‍പ്പൂക്കള്‍. ഭാവാത്മകതയുടെ സ്വപ്നാടനംപോലെ മാസ്മരിക ലയമുള്ള ശൈലി. സമകാലിക യാഥാര്‍ത്ഥ്യങ്ങളുടെ കണ്ണാടിയായിരിക്കുമ്പോഴും സുഖവിഷാദങ്ങള്‍ ത്രസിക്കുന്ന ഭാവഗാനങ്ങള്‍ പോലെയുള്ള കഥകള്‍.മലയാളകഥയുടെ ഭാവുകത്വപരിണാമത്തിലെ നിര്‍ണായകമായ ഒരു ദശാസന്ധിയിലെ നാഴികക്കല്ലായി തലയെടുപ്പോടെ, വിളക്കുമാടം പോലെ പ്രകാശിക ...
കൈവരിയുടെ തെക്കേയറ്റം ഹൃദയത്തെ മയില്‍പ്പീലികൊണ്ട് തഴുകി കടന്നുപോകുന്ന കഥകള്‍. ചില കഥകള്‍ അസ്ത്രം പോലെ ആഞ്ഞുതറയ്ക്കുന്നു. വര്‍ത്തമാന സാമൂഹിക പരിതസ്ഥിതിയില്‍ പ്രസക്തമായ ഭാവസാന്ദ്രമായ ചാരുതയോടെ പകര്‍ത്തിയിരിക്കുന്നു. സ്ഥലകാലങ്ങളുടെ പ്രഹേളികാനുഭവങ്ങളാണ് പത്മരാജന്‍ കഥകള്‍ എന്നുപോലും വിശേഷിപ്പിക്കാം. വാസ്തവികതയേയും ഭ്രമാത്മകതയേയും ബന്ധിപ്പിക്കുന്ന സൗന്ദര്യശില്പങ്ങളാണവ. മലയാള കഥയില്‍ നവീനമായ ഒരു ഭാവമണ്ഡലം സൃഷ്ടിച്ച പതിനഞ്ച് കഥകളുടെ സമാഹാരം. ഗ്രീന്‍ബുക്‌ ...