Blog : പശുവിനെ രാഷ്ട്രീയ മൃഗമാക്കുമ്പോൾ - Green Books India Pvt Ltd - Publishers of Quality Books In Kerala

പശുവിനെ രാഷ്ട്രീയ മൃഗമാക്കുമ്പോൾ

വി.ബി.ജ്യോതിരാജ്‌

കഴിഞ്ഞ രണ്ടര പതിറ്റാണ്ടിനിടയ്ക്ക് ഇന്ത്യയില്‍ മതനിരപേക്ഷമൂല്യങ്ങള്‍ക്ക് വലിയ ഇടിവ് സംഭവിച്ചിട്ടുണ്ട്. കാലഹരണപ്പെട്ട പല ആചാരങ്ങളും തിരിച്ചുവന്നുകഴിഞ്ഞു. അന്ധവിശ്വാസങ്ങളെ ശാസ്ത്രവിശ്വാസങ്ങളായിപ്പോലും നമ്മള്‍ കൊണ്ടാടുകയാണ്. ഈ വക പ്രതിഭാസങ്ങള്‍ക്ക് എന്താണ് കാരണഹേതുക്കള്‍ എന്ന് ആരും വേണ്ടത്ര പഠനം നടത്തിയതായും കാണുന്നില്ല. ''പശുവിനെ രാഷ്ട്രീയ മൃഗമാക്കുമ്പോള്‍'' എന്ന പുസ്തകത്തില്‍ ഹമീദ് ചേന്നമംഗലൂര്‍ വ്യത്യസ്തമായ കുറേ കാര്യങ്ങള്‍, വസ്തുതകള്‍ അവതരിപ്പിക്കുന്നു. ലോകസാഹചര്യങ്ങളില്‍ ഭീകരത സൃഷ്ടിക്കുന്ന ഇസ്ലാമികതീവ്രവാദത്തിന്റെ പരിസരങ്ങളെ കണ്ടുകൊണ്ട്. 

ഹിന്ദുവര്‍ഗ്ഗീയതയെക്കുറിച്ചും അദ്ദേഹം പറയുന്നു. സമകാലിക ഇന്ത്യയുടേയും ലോകാവസ്ഥയുടേയും മുന്നില്‍ ധീരമായൊരു ഇടപെടല്‍, ഹമീദ് ചേന്നമംഗലൂരിന്റെ 'പശുവിനെ രാഷ്ട്രീയമൃഗമാക്കുമ്പോള്‍' എന്ന കൃതി.
ഒരു കൂട്ടര്‍ക്ക് അല്ലാഹുവാണ് രാഷ്ട്രീയദൈവം. ഭാരതത്തിന്റെ  പുണ്യമൃഗമായി ആരാധിക്കപ്പെട്ട പശുവിനെയാണ് വേറൊരുകൂട്ടര്‍ രാഷ്ട്രീയ ആയുധമാക്കിയിരിക്കുന്നത്. ഇരുപക്ഷവും വിദ്വേഷത്തിന്റെ പ്രത്യയശാസ്ത്രത്തെ ഊട്ടി വളര്‍ത്തുകയാണ്. രണ്ട് വര്‍ഗ്ഗീയതകളും തിരിച്ചറിവിന്റെ കണ്ണുകള്‍ കുത്തിപ്പൊട്ടിച്ച് ജനങ്ങളെ വശീകരിക്കുകയും വിഭജിക്കുകയും ചെയ്യുന്നു. 
സെക്കുലര്‍ ഇന്ത്യയുടെയും ഇടതുപക്ഷത്തിന്റെയും തകര്‍ച്ചയില്‍ രാക്ഷസീയമായ ഒരു പ്രാകൃതഇന്ത്യയിലേക്കുള്ള പിന്മടക്കമായിരിക്കും ഉണ്ടാവുക. പോരാടിയും സമരം ചെയ്തും ജീവന്‍ കൊടുത്തും നമ്മള്‍ നേടിയെടുത്ത സ്വാതന്ത്ര്യത്തിനുമേല്‍ കരിനിഴല്‍ വീഴ്ത്തപ്പെടുകയാണ്. സെക്കുലര്‍ ഇന്ത്യയുടെ തകര്‍ച്ചയില്‍ ഒരു ഹിന്ദുപാക്കിസ്താനായിരിക്കും പ്രതിഷ്ഠിക്കപ്പെടുകയെന്ന് നമ്മള്‍ ഭയപ്പെടണം. ഭൂതകാലങ്ങളിലേക്കുള്ള ഈ പിന്മടക്കം ഹിന്ദുക്കള്‍ക്കോ അഹിന്ദുക്കള്‍ക്കോ ഗുണകരമായിരിക്കുകയില്ല. ഹിന്ദുവര്‍ഗ്ഗീയതയെ പരിപോഷിപ്പിക്കുകയാണ് ഫലത്തില്‍ ഇസ്ലാമികതീവ്രവാദികളും ചെയ്തുകൊണ്ടിരിക്കുന്നത്. രക്തപങ്കിലമായ കൊടുംക്രൂരതകള്‍ക്ക് ജിഹാദിന്റ പേരില്‍ ന്യായീകരണം നടത്തുന്ന ഇസ്ലാമികതീവ്രവാദികള്‍ ഹിന്ദുവര്‍ഗ്ഗീയതയ്ക്ക് വളം വെച്ചുകൊടുക്കുകയാണ് ചെയ്യുന്നത്. മുസ്ലീം വിഭാഗത്തിന്റെ ഹിതം മതേതരഇന്ത്യയില്‍ നടക്കുമെങ്കില്‍, ഭൂരിപക്ഷമായ ഹിന്ദുമതത്തിന്റെ ഹിതവും എന്തുകൊണ്ടു നടപ്പാക്കികൂടാ എന്ന ചോദ്യമാണ് സംഘപരിവാരങ്ങളും ഉയര്‍ത്തിക്കൊണ്ടിരിക്കുന്നത്. അതായത്, ഇരുവര്‍ഗ്ഗീയതകളും പരസ്പരം പരിപോഷിച്ചുകൊണ്ട് ഇന്ത്യയില്‍ വളരുകയാണ്. ഇസ്ലാമോ ഫോബിയയ്ക്കുള്ള മറുപടി ഇസ്ലാമോ ഫാസിസമല്ല. ഇസ്ലാമികവര്‍ഗീയതയുടെ ഭയപ്പെടുത്തുന്ന ലോകസാഹചര്യങ്ങള്‍ കണ്ടുകൊണ്ട്, പശുവിനെ രാഷ്ട്രീയ മൃഗമാക്കുന്ന ഇന്ത്യന്‍ ഫാസിസത്തിന്റെ  അവസ്ഥാന്തരങ്ങള്‍ ഹമീദ് ചേന്നമംഗലൂര്‍ ഇവിടെ നോക്കികാണുന്നു.
ലേഖനം, വില:85.00



Comments will be displayed only after admin approval

Name
E-mail
Enter the code
greenbooks
FORTH COMING BOOKS

 

ON LITERATURE
മായാസൂര്യന്‍ സ്വന്തം ബുദ്ധിശക്തി ആര്‍ക്കും പണയപ്പെടുത്താതെ ചിന്തിക്കുകയും പ്രവര്‍ത്തിക്കുകയും ചെയ്യുമ്പോള്‍ മാത്രമാണ് യാഥാര്‍ത്ഥ്യങ്ങള്‍ തിരിച്ചറിയാന്‍ കഴിയുന്നത്.  എഴുത്ത് ഒരു സ്വപ്നവ്യാപാരമെന്ന തലംവിട്ട്, അനിവാര്യമായ ഒരു സാംസ്‌കാരിക ആക്ടിവിസമായിക്കാണുന്ന സക്കറിയ, തന്റെ പ്രതികരണങ്ങളിലെല്ലാം ഒരു മൂന്നാംകണ്ണിന്റെ ജാഗ്രതാബോധം പുലര്‍ത്തുന്നു. സക്കറിയയുടെ പ്രഭാഷണങ്ങള്‍ക്കും പ്രതികരണങ്ങള്‍ക്കും ചിന്തകള്‍ക്കും ഒരു പ്രതിരോധമൂല്യമുണ്ട്. ഏത ...
പടിയിറങ്ങാത്ത ഒരുവളെക്കുറിച്ച്‌ വേദനകളുടെ ഘോഷയാത്രകള്‍ തന്ന പകപ്പിലും പിടച്ചിലിലുംപെട്ട് അക്ഷരങ്ങളെ നെഞ്ചോട് ചേര്‍ക്കുന്ന പ്രിയ എ.എസ്സിന്റെ വിമൂകമാം വരികള്‍...  ഒരക്ഷരം എഴുതാനാകാതെ ഞാന്‍ പിടഞ്ഞ ഒരുവര്‍ഷക്കാലം. നട്ടെല്ല്, പിണങ്ങിനുറുങ്ങിപ്പോയിരുന്നു. 2015 ഏപ്രില്‍ മുതല്‍ 2016 ജൂണ്‍ വരെ ആശുപതികള്‍ എന്നെ വിഴുങ്ങുകയും ഞാന്‍ ഗുളികകള്‍ വിഴുങ്ങുകയും ചെയ്തു. ഇനിയും ഞാന്‍ എണീറ്റിരിക്കും എന്ന് എന്റെ മകനുമാത്രമേ ഉറപ്പുണ്ടായിരുന്നുള്ളൂ.വേദനകളുടെ ഘോഷയാത്രകള്‍ തന്ന പകപ്പിലും പി ...
അകലങ്ങളില്‍ അലിഞ്ഞുപോയവര്‍ ആത്മഹത്യയെക്കുറിച്ച് അസാധാരണമായൊരു പുസ്തകം  മനോരോഗങ്ങളുടെ നിഗൂഢതകളിലേക്കു നടന്നുപോയ അജ്ഞാത മനുഷ്യരുടെ എഴുതപ്പെടാത്ത കഥകള്‍. എല്ലാവരും മരണത്തിന്റെ തണുപ്പിലേക്കാണ് നടന്നുപോയത്. അവരുടെ ഉള്ളകങ്ങള്‍ നീറുന്ന ചൂളകളായിരുന്നു. ഇതിലെ ഓരോ കഥയും അസ്വാരസ്യതയുടെ കൊടുങ്കാറ്റായി മാറുന്നു. വായനക്കാരന്റെ മനോനിലകളിലേക്ക് ഒരു നെരിപ്പോട് പോലെ അവ നീറി പടരുന്നു. പാരനോയ്ഡ് സ്‌കിസോഫ്രീനിയ, ഫോബിയ, സംഘര്‍ഷവ്യാധി തുടങ്ങിയ മനോരോഗവിശകലനങ്ങളെ അര്‍ത്ഥപൂര് ...