LITERARY STUDIES

Font Problems

കാസര്‍കോട്‌

  കാസര്‍കോടിന്റെ പ്രിയപ്പെട്ട എഴുത്തുകാരന്‍ സുറാബ്, പ്രവാസജീവിതം അവസാനിപ്പിച്ച് ജന്മഗൃഹത്തില്‍ തിരിച്ചെത്തിയതിനുശേഷം എഴുതിയ ഏതാനും കവിതകള്‍; ആന്തരിക ലോകത്തിന്റെ സഞ്ചാരപഥങ്ങള്‍, സര്‍ഗ്ഗവേദനയുടെ വിങ്ങലുകള്‍, നീറ്റങ്ങള്‍, വിചാരങ്ങള്‍.... വടക്കന്‍ മൊഴിയുടെ കാവ്യവഴികളെയും അടയാളപ്പെടുത്തുന്നു.കാസര്‍കോട് (കവിത)സുറാബ്  വില. 70.00 [..]

ഔഷധസസ്യങ്ങള്‍

ഔഷധസസ്യങ്ങള്‍, ഉപയോഗക്രമങ്ങള്‍, ചികിത്സ, കൃഷിരീതികള്‍ഔഷധസസ്യവിഭവങ്ങളുടെ വിവിധതരം പാചകവിധികള്‍, നാട്ടുചികിത്സാരീതികള്‍, ഗുണമേന്മകള്‍, രാസഘടകങ്ങള്‍, ചായ, കാപ്പി, ദാഹശമിനി, സൂപ്പ് തുടങ്ങിയവ  നമ്മുടെ ചികിത്സാരീതികളുടെ ചരിത്രത്തിന് നൂറ്റാണ്ടുകളുടെ പഴക്കമുണ്ട്. പഴയ കാലങ്ങളില്‍ ഉപയോഗിച്ചിരുന്ന പല ഔഷധസസ്യങ്ങളും  കണ്‍വെട്ടത്ത് ഇന്ന് അധികം കാണാനില്ലാത്ത അവസ്ഥയിലാണ്. സാധാരണ രോഗങ്ങള്‍ക്കുള്ള ചികിത്സയില്‍ മുന്‍കാലത്ത് ഉപയോഗിച്ചിരുന്നത് തൊടിയിലും പറമ്പുകളിലും നാട്ടിടവഴികളിലും പടര്‍ന്നുനിന്നിരുന്ന സസ്യങ്ങളായിരുന്നു. കറുകയും തുളസിയും മുക്കുറ്റിയും കയ്യോന്നിയും ചെറൂളയും പോലുള്ള ചെറുസസ്യങ്ങള്‍ സമൂലമായും നീര്‍മരുത്, ഉങ്ങ്, താന്നി, പലകപ്പയ്യാനി, കൂവളം, കുമ്പിള്‍, മുഞ്ഞ തുടങ്ങിയ മരങ്ങളുടെ തൊലി, ഫലങ്ങള്‍ എന്നിവയും നാം അതിസാധാരണമെന്നോണം ഉപയോഗിച്ചിരുന്ന ഔഷധ സസ്യങ്ങളായിരുന്നു. ഉഷ്ണകാലത്ത് ശരീരത്തിന് തണുപ്പേകുന്നതിനായി നാട്ടിന്‍പുറങ്ങളില്‍ ഉണ്ടായിരുന്ന നന്നാറിയുടെ കിഴങ്ങ് ശേഖരിച്ച് കാച്ചിയെടുത്ത് സൂക്ഷിച്ചിരുന്ന നന്നാറി സത്ത് ദാഹശമിനികളിലെ പ്രധാന ചേരുവയായിരുന്നു.  നാട്ടൗഷധസസ്യങ്ങളോടൊപ്പം മണ്‍മറഞ്ഞുപോയ നാട്ടുചികിത്സാരീതികളും മുത്തശ്ശിമാരുടെ തിരോധാനത്തോടൊപ്പം ഇല്ലാതായിക്കൊണ്ടിരിക്കുന്ന മുത്തശ്ശിവൈദ്യവും ഇന്നത്തെ തലമുറയ്ക്ക് അന്യമായിരിക്കുന്നു. ആയുര്‍വേദത്തിലും നാട്ടുചികിത്സയിലും മുത്തശ്ശിവൈദ്യത്തിലും ഉപയോഗിച്ചുവരുന്ന ഏതാനും ചില സാധാരണ സസ്യങ്ങളുടെ പ്രാധാന്യവും ഉപയോഗരീതികളും വിവരിക്കുന്നതോടൊപ്പം അവയുടെ പ്രജനനരീതികളെക്കുറിച്ചും ഈ പുസ്തകത്തില്‍ പ്രതിപാദിക്കുന്നുണ്ട്. ഔഷധ സസ്യങ്ങള്‍ കൊണ്ട് തയ്യാറാക്കാവുന്ന വിഭവങ്ങളെക്കുറിച്ചും ആഹാരങ്ങളെക്കുറിച്ചും ഇതില്‍ വിശദീകരിക്കുന്നുണ്ട്.  ഔഷധസസ്യങ്ങളെ ഏതെല്ലാം പ്രകാരത്തില്‍ ജൈവകീടനാശിനിയായും ഇലക്കറികളായും ഉപയോഗിക്കാമെന്ന കാര്യവും ഇതില്‍ എടുത്തുപറയുന്നുണ്ട്. ഔഷധസസ്യങ്ങളെക്കുറിച്ചുള്ള അവബോധം വളര്‍ത്തിയെടുക്കുന്നതില്‍ ഈ പുസ്തകം ഏറെ പ്രയോജനപ്പെടുമെന്ന് എടുത്തു പറയേണ്ടിയിരിക്കുന്നു. ഏറെ നാളത്തെ ചികിത്സാനുഭവസമ്പത്തും പാണ്ഡിത്യവുമുള്ള [..]

ആത്മനിന്ദയുടെ കഥാകാരന്‍

കഥയുടെ ചരിത്രചിന്തയില്‍നിന്ന് മാറ്റിനിര്‍ത്താനാവാത്ത എഴുത്തുകാരന്‍ - വി.ബി. ജ്യോതിരാജ്‌  വി.ബി. ജ്യോതിരാജിനെ നാം മറന്നുപോയിരിക്കുന്നു. ഈ കഥാകാരന്‍ 'അവഗണിക്ക'പ്പെട്ടു എന്ന സ്വരത്തിലല്ല ഈ പ്രയോഗം. നമ്മുടെ കഥാചര്‍ച്ചകളിലൊന്നും ഈ കഥാകാരന്‍ പരാമര്‍ശിക്കപ്പെടാറില്ല എന്നതാണ് വാസ്തവം. രണ്ടു തലമുറയെങ്കിലും മലയാളകഥയില്‍ ഇവരുടെ തലമുറയ്ക്കുശേഷം പിറന്നു എന്ന സത്യവും ഇവിടെ വിസ്മരിക്കുന്നില്ല. പുതിയവര്‍ വരുമ്പോള്‍ മുന്‍തലമുറഎഴുത്തുകാരെ പതുക്കെ അരികിലേക്കു മാറ്റുന്ന ഒരു രീതി നമ്മുടെ സാഹിത്യനിരൂപണവും പുലര്‍ത്തിപ്പോരുന്നുണ്ട്. അതൊന്നും വി.ബി.ജ്യോതിരാജിനെ തീര്‍ത്തും മാറ്റിനിര്‍ത്താനുള്ള കാരണങ്ങളാവണമെന്നില്ല. എന്നാല്‍ എഴുത്തുജീവിതത്തില്‍ ഇടയ്ക്കിടെ ഇടവേളകള്‍ സൃഷ്ടിക്കുന്നതില്‍ ഈ കഥാകാരന്‍ മുമ്പിലാണ് എന്ന് എനിക്ക് അനുഭവപ്പെട്ടിട്ടുണ്ട്.   കഥാരചനയിലെ 'മുറിഞ്ഞുപോക്കു'കളെ സംബന്ധിച്ച് ചില കഥകളില്‍ വേവലാതിയോടെ എഴുതുന്നതും എന്റെ ശ്രദ്ധയില്‍ വന്ന കാര്യമാണ്. ഇടയ്ക്കിടെ മരിക്കുകയും ഇടയ്ക്കിടെ പുനര്‍ജനിക്കുകയും ചെയ്യുക എന്നത് സര്‍ഗാത്മകതയുടെ ഒരു സ്വഭാവമാണ് എന്ന് എനിക്കു തോന്നുന്നു. ഇത് ഒരു റൈറ്റേഴ്‌സ് ബ്ലോക്കല്ല. മറിച്ച് സര്‍ഗാത്മകത സ്വയം അതിന്റെ വിപുലീകരണം ഏറ്റെടുക്കുന്ന പ്രതീതിയാണ് ആ ഇടവേളകള്‍ എന്നെ അനുഭവിപ്പിച്ചത്. താന്‍ സൂക്ഷിച്ചു കൊണ്ടുനടക്കുന്ന രാഷ്ട്രീയ മനോഭാവങ്ങള്‍ തകിടം മറിയുന്നതും ജീവിതകാലുഷ്യങ്ങള്‍ ഇടയ്ക്കിടെ അലട്ടുന്നതും ജീവിതത്തെ മാത്രമല്ല എഴുത്തിനേയും ബാധിക്കാവുന്ന പ്രശ്‌നങ്ങളാണ്. ജ്യോതിരാജിന്റെ എഴുത്തുജീവിതത്തില്‍ ആ അന്തരീക്ഷമാണ് രചനയിലെ 'മുറിഞ്ഞുപോക്കുകള്‍' സൃഷ്ടിച്ചത് എന്ന് നമുക്കു കാണാം. കഥയും ജീവിതവും വ്യത്യസ്തമല്ല എന്ന് നമ്മെ ബോധ്യപ്പെടുത്തിയ കഥാകാരനാണ് വി.ബി. ജ്യോതിരാജ്. എന്നുവെച്ച് തന്റെ രചനാ ജീവിതത്തില്‍ സംഭവിച്ച ഈ ഇടവേളകളെ മുന്‍നിര്‍ത്തി എഴുത്തുകാരനെ ഒറ്റപ്പെടുത്തുന്നതിലെ സാംഗത്യം പരിശോധിക്കപ്പെടാതിരിക്കരുത്. കഥയുടെ ചരിത്രചിന്തയില്‍ നിന്ന് മാറ്റിനിര്‍ത്താന്‍ കഴിയാത്ത എഴുത്തുകാരന്‍ കൂടിയാണ് വി.ബി. ജ്യോതിരാജ്.  വി.ബി. ജ്യോതിരാജിന്റെ കഥകളിലുടനീളം നീറിപ്പടരു [..]

എന്റെ പതിമൂന്നാമത്തെ ഗ്രന്ഥം

ന്യൂജെന്‍ പാചകം  ചെറിയൊരിടവേളയ്ക്കുശേഷമാണ് സൂര്യ ടിവിയില്‍ രുചിയിടം എന്ന പരിപാടിയിലൂടെ കുക്കറി സെഗ്‌മെന്റ് ചെയ്തു തുടങ്ങിയത്. ഒരു കള്ളിവരച്ച് അതിനുള്ളില്‍ നിന്നുകൊണ്ടുള്ള വിഭവങ്ങളായിരുന്നില്ല ആ ഷോയില്‍ ഞാന്‍ അവതരിപ്പിച്ചത്. അതതു കാലത്തു ലഭ്യമായ പഴങ്ങളും പച്ചക്കറികളും ഉപയോഗിച്ചുകൊണ്ട് ഉത്സവകാലങ്ങളോടും മറ്റും നീതിപുലര്‍ത്തുമ്പോഴും നാടനും അല്ലാത്തതുമായ വിഭവങ്ങള്‍ ഇടകലര്‍ത്തി എല്ലാത്തരം പ്രേക്ഷകര്‍ക്കും ഇഷ്ടമുള്ള വിധത്തിലായിരുന്നു അതിന്റെ അവതരണം. രുചിയിടത്തില്‍ അവതരിപ്പിച്ച വിഭവങ്ങളില്‍ നിന്നു തെരഞ്ഞെടുത്ത ചിലതുള്‍പ്പെടുത്തിയാണ് ഈ പുസ്തകം തയ്യാറാക്കിയിട്ടുള്ളത്. ചാനല്‍ ഷോ കാണാനാവാത്തവര്‍ക്കും വിഭവങ്ങളുടെ രസക്കൂട്ടറിയാനാവണമല്ലോ. പുസ്തകമാക്കുമ്പോള്‍ അതു സാധ്യമാവും. ഇനി ടിവിയില്‍ ഈ ഷോ കണ്ടവര്‍ക്കാവട്ടെ കുറച്ചുകൂടി സ്വസ്ഥമായി ചേരുവകളെപ്പറ്റിയെല്ലാം നന്നായി അറിഞ്ഞ് വിഭവങ്ങളുണ്ടാക്കാനുമാവും.  ഇതെന്റെ പതിമൂന്നാമത്തെ പാചകഗ്രന്ഥമാണ്. എല്ലാ വായനക്കാര്‍ക്കും രുചികരമായ പാചകം ആശംസിച്ചുകൊണ്ട് എന്റെ ഈ എളിയ സംരംഭം ഞാന്‍ സമര്‍പ്പിക്കുന്നു. സദയം സ്വീകരിക്കുക, അനുഗ്രഹിക്കുക. [..]

ചൈനീസ് റെസിപ്പി

  ചൈന ഒരു വലിയ രാജ്യമായതിനാല്‍ ജീവിതരീതിയും ഭക്ഷണക്രമവും ഓരോ ഭാഗത്തും വ്യത്യസ്തമായിരിക്കും. കാലാവസ്ഥ, ചേരുവകളുടെ ലഭ്യത എന്നിവ അനുസരിച്ച് വ്യത്യസ്ത വിഭവങ്ങളാണ് അവര്‍ തയ്യാറാക്കുന്നത്.   എങ്കിലും ചൈനയുടെ പ്രാദേശിക ഭക്ഷണക്രമത്തെ പ്രധാനമായും നാലായി തരംതിരിക്കാം: നോര്‍ത്തേണ്‍ (പീക്കിംഗ് സ്റ്റൈല്‍), സതേണ്‍ (കന്റോണീസ് സ്റ്റൈല്‍), ഈസ്റ്റേണ്‍ (ഷങ്ഹായി സ്റ്റൈല്‍), വെസ്റ്റേണ്‍ (സിയാച്ചിന്‍ സ്റ്റൈല്‍).   പീക്കിംഗ് സ്റ്റൈല്‍: മുസ്ലീങ്ങള്‍ കൂടുതലുള്ള സ്ഥലമായതിനാല്‍ പോര്‍ക്കിനു പകരം മട്ടണ്‍ ആണ് ഉപയോഗിക്കുന്നത്. മുഖ്യാഹാരം ചോറിനു പകരമായി ഗോതമ്പ്, കോണ്‍ മുതലായവകൊണ്ട് തയ്യാറാക്കുന്ന ബ്രഡ്, ന്യൂഡില്‍സ്, പാന്‍കേക്ക്, ആവിയില്‍ വേവിക്കുന്ന ഡംപ്ലിങ് എന്നിവയാണ്.   ഇവിടത്തെ കാലാവസ്ഥ വളരെ കടുപ്പമായതിനാല്‍ മഷ്‌റൂം, വെജിറ്റബിള്‍സ്, ഫ്രൂട്‌സ്, ഇറച്ചി എന്നിവ പ്രിസേര്‍വ് ചെയ്താണ് ഉപയോഗിക്കുന്നത്. കറിക്കൂട്ടുകളായി വെളുത്തുള്ളി, സവാള, മല്ലിയില, ലീക്‌സ്, സെസമിസീഡ്‌സ്, വിനാഗിരി എന്നിവ ധാരാളം ലഭ്യമാണ്.   കന്റോണീസ് സ്റ്റൈല്‍: വെളുത്തുള്ളിപോലുള്ള ചേരുവകള്‍ വളരെ കുറച്ചേ ഉപയോഗിക്കാറുള്ളൂ. പകരം കടല്‍ വിഭവങ്ങള്‍. ഇവര്‍ പച്ചക്കറികളുടെ കളറ് പോകാതെ ലൈറ്റായിട്ട് വേവിക്കുന്നു. കഴിവതും സ്റ്റിര്‍ ഫ്രൈ ചെയ്യാതെ ആവിയില്‍ വേവിച്ച്. അരിയാണിവരുടെ മുഖ്യാഹാരം.  ഷങ്ഹായി സ്റ്റൈല്‍: ഉയര്‍ന്ന സ്വാദും രുചിയുമുള്ള വിഭവങ്ങളാണിത്. ഇവര്‍ സ്റ്റോക്ക് നിര്‍മ്മിക്കുന്നതിലും ചേരുവകള്‍ മുറിക്കുന്നതിലും ഭക്ഷണം പാകം ചെയ്ത് വിളമ്പുന്നതിലും കൂടുതല്‍ ശ്രദ്ധിക്കുന്നു. പലവിധത്തിലുള്ള പച്ചക്കറികള്‍ ഇവിടെ ലഭിക്കുന്നുണ്ട്. കൂടുതല്‍ ഓയില്‍ ഉപയോഗിച്ച് സ്വാദുള്ള ഭക്ഷണമായി അവയെ മാറ്റുന്നു.   സിയാച്ചിന്‍ സ്റ്റൈല്‍: മുഖ്യാഹാരം ചോറും പച്ചക്കറികളുമാണ്. ചിക്കന്‍, പോര്‍ക്ക് എന്നിവ ധാരാളമായും ബീഫ്, ഡക്ക് എന്നിവ വല്ലപ്പോഴും ഉപയോഗിക്കുന്നു. ഇവര്‍ സീ ഫുഡ് ഉപയോഗിക്കുന്നത് കുറവാണ്. ചെമ്മീന്‍ ഉപയോഗിക്കാറുണ്ട്. കാശ്മീരി ചില്ലി, സിയാച്ചിന്‍, കുരുമുളക്, വെളുത്തുള്ളി, ഇഞ്ചി, സവാള, സെസ്മി സീഡ്‌സ് എന്നിവ ചേര്‍ത്ത് എരിവുള്ള ഭക്ഷണമാണ് തയ്യാറാക്കുന്നത്.ലില്ലി ബാബു ജോസ്. [..]

FORTH COMING BOOKS

 

Loading... Scroll down to see more.
No more results to display.