LITERARY STUDIES

Font Problems

ജാഗ്രത ആവശ്യമാണ്‌

സൈബര്‍ കുറ്റകൃത്യങ്ങള്‍ വര്‍ദ്ധിച്ചുകൊണ്ടിരിക്കുന്ന ഈ ലോകത്ത് ഇലക്ട്രിക് സംവിധാനങ്ങള്‍ ഉപയോഗിക്കുമ്പോള്‍ ശ്രദ്ധിക്കേണ്ട കാര്യങ്ങള്‍, ഡിജിറ്റല്‍ രേഖകളുടെ ആധികാരികത ഉറപ്പാക്കാനുള്ള വിവരങ്ങള്‍, തന്ത്രപ്രധാനവിവരവ്യൂഹങ്ങള്‍ക്ക് ഉപയോഗിക്കേണ്ട സംരക്ഷിതസിസ്റ്റങ്ങള്‍, സൈബര്‍ കുറ്റകൃത്യങ്ങള്‍ക്കുള്ള ശിക്ഷാനടപടികള്‍ തുടങ്ങി ഒട്ടേറെ അറിവുകള്‍ ഈ പുസ്തകത്തില്‍ ഉള്‍ക്കൊള്ളിച്ചിരിക്കുന്നു. സൈബര്‍ സെല്ലില്‍ കേസ് ഫയല്‍ ചെയ്യേണ്ടത് എങ്ങനെയാണ്? നമ്മുടെ വ്യാജപ്രൊഫൈല്‍ ആരെങ്കിലും ക്രിയേറ്റ് ചെയ്തിട്ടുണ്ടെങ്കില്‍ എങ്ങനെ തിരിച്ചറിയാം? ഫിനാന്‍ഷ്യല്‍ ക്രൈമുകള്‍, ചതിയിലൂടെ ലക്ഷങ്ങള്‍ സമ്പാദിക്കുന്നവരുടെ സൈബര്‍ രീതികള്‍, സൈബര്‍ ഭീകരവാദം, ഫോട്ടോഷോപ്പ് ഉപയോഗിച്ചുള്ള നഗ്നചിത്രങ്ങള്‍, ഐഡന്റിറ്റി മോഷണം, ഉപകാരപ്രദമായ ധാരാളം നിര്‍ദ്ദേശങ്ങള്‍ ഈ പുസ്തകത്തിലുണ്ട്.സൈബര്‍ലോകത്ത് നടന്നുവരുന്ന കുറ്റകൃത്യങ്ങള്‍ ഏറെ സങ്കീര്‍ണസ്വഭാവമുള്ളവയാണ്. 'ബ്ലൂ വെയ്ല്‍' തുടങ്ങിയ അപകടകരമായ സോഷ്യല്‍ നെറ്റ്‌വര്‍ക്ക് ഗ്രൂപ്പുകള്‍ സൈബര്‍ ലോകത്ത് സജീവമാണ്. ആത്മഹത്യകള്‍ പെരുകുന്നു. ഓണ്‍ലൈന്‍ ചൂതാട്ടങ്ങള്‍, വ്യാമോഹങ്ങളുടെ പരസ്യക്കെണികള്‍, കുട്ടികളുടെ മാനസികാവസ്ഥ തകിടംമറിക്കുകയും മാനസിക വിഭ്രാന്തിയിലേക്ക് എത്തിക്കുകയും ചെയ്യുന്ന ഗെയ്മുകള്‍ സൈബര്‍ സ്‌പേസില്‍ സജീവമായിരിക്കുന്ന അനവധി കാര്യങ്ങള്‍ ഈ പുസ്തകം വെളിപ്പെടുത്തുന്നു. ഭീകര കുറ്റവാളികളുടെ ചൂണ്ടല്‍ കൊളുത്തുകള്‍, ഒരിക്കല്‍ ഇരയില്‍ കൊളുത്തിക്കഴിഞ്ഞാല്‍മോചനം എളുപ്പമാവില്ല. യാഥാര്‍ത്ഥ്യങ്ങളിലേക്ക് തിരിച്ചുകയറാന്‍ സാധ്യമല്ലാത്തവിധം അയഥാര്‍ത്ഥമായ നിഴല്‍ച്ചിത്രങ്ങളുടെ ഭാഗമായി മാറുകയാണ്. അത്രയേറെ മാനസികവൈകല്യം സൃഷ്ടിക്കുകയും പിന്‍തിരിയാന്‍ കഴിയാത്തവണ്ണം നമ്മള്‍ ഇതിലേക്ക് ആകൃഷ്ടമാവുകയും ചെയ്യും. സൈബര്‍ ലോകത്ത് കുറ്റവാളിസമൂഹത്തിന്റെ ഭാഗമാകാതിരിക്കാന്‍ അതീവജാഗ്രത ആവശ്യമാണ്. അനന്തമായ വാതിലുകള്‍ തുറന്നുവെക്കുന്ന ഒരു മായാലോകം കൂടിയാണത്."പോണോഗ്രാഫി, ഓണ്‍ലൈന്‍ മോഷണങ്ങള്‍, മയക്കുമരുന്ന് വില്പന, ചൂതാട്ടം, അപകീര്‍ത്തിപ്പെടുത്തല്‍, സൈബര്‍ ഭീകരവാദം, ഡെത്ത് ഗെയിം എന്നീ മേഖലകളില്‍ വരെ സൈബ [..]

വായനയുടെ പ്രഹേളികാനുഭവം

ദാര്‍ശനികമാനങ്ങളിലൂടെ മനുഷ്യാവസ്ഥയുടെ യാഥാര്‍ത്ഥ്യങ്ങള്‍ ആവിഷ്‌കരിക്കുന്ന നോവല്‍. രസകരവും ഉദ്വേഗജനകവുമായ വായന. പ്രശ്‌നാധിഷ്ഠിതമായ ഒരു വൃത്തത്തിനുള്ളില്‍ അകപ്പെട്ട ഒരുകൂട്ടം മനുഷ്യര്‍. ഒരു സമൂഹം മുഴുക്കെ പരീക്ഷണശാലയുടെ കൂട്ടിലടയ്ക്കപ്പെട്ടതുപോലെ, ഗിനിപ്പന്നികളാകുന്ന വര്‍ത്തമാനകാലഘട്ടം.മനുഷ്യരുടെ ശരീരഭാഷ, ഒരു സന്നിഗ്ദ്ധാവസ്ഥയില്‍ മനുഷ്യര്‍ പ്രകടിപ്പിക്കുന്ന വ്യത്യസ്തമായ ഭാഷ, അനിശ്ചിതാവസ്ഥയില്‍ അപ്പോള്‍ മാത്രം സംഭവിക്കുന്ന മനുഷ്യരുടെ പലവിധ രൂപമാറ്റങ്ങള്‍, ക്രോധങ്ങള്‍...ഓര്‍ക്കാപ്പുറത്ത് എത്തിപ്പെട്ട ചില അവിചാരിതസംഭവങ്ങളിലൂടെ, ജീവിതത്തിന്റെ വിഷമവൃത്തങ്ങള്‍ വ്യാഖ്യാനിക്കുന്നു.ഒരു ദുരന്തം മുന്‍കൂട്ടി നിശ്ചയിക്കപ്പെട്ടുകഴിഞ്ഞാല്‍ പിന്നെ, മനുഷ്യര്‍ അതിന് സജ്ജരും ശാന്തശീലരും ആയിത്തീരുന്നു. പകുതി മരണത്തിലും പകുതി ജീവിതത്തിലും കാല്‍ വെച്ചുനില്‍ക്കുന്ന ഘട്ടത്തില്‍ മനുഷ്യര്‍ സംയമികളും ജ്ഞാനികളുമായി മാറുന്നു. ജീവിതത്തിലേക്ക് വലിഞ്ഞുകയറാന്‍ ആഗ്രഹിക്കുന്നവര്‍ മാത്രം അപ്പോഴും പരിഭ്രാന്തരായി തുടരുന്നു. അവര്‍ ജീവിതത്തിലേക്ക് നോക്കി നിലവിളിക്കുന്നു. [..]

സോവിയറ്റ് നാടെന്നൊരു നാടുണ്ടായിരുന്നു

നോബല്‍ പ്രൈസ് നേടിയ സ്വെറ്റ്‌ലാന അലക്‌സിവിച്ചിന്റെ 'സെക്കന്റ് ഹാന്‍ഡ്-ടൈമി'ന്റെ വിവര്‍ത്തനം. അറുനൂറ്റി അമ്പതിലേറെ പേജുകളില്‍ പരന്നുകിടക്കുന്ന ഗോര്‍ബച്ചേവിനുശേഷമുള്ള റഷ്യയുടെ കഥ.   പെരിസ്‌ത്രോയിക്ക-ഗ്ലാസ്‌നോസ്തിനുശേഷം റഷ്യയില്‍ അരങ്ങേറിയ ഹൃദയസ്പര്‍ശിയായ അനുഭവകഥകള്‍ ഇതില്‍ ഓരോ വ്യക്തിക്കും പറയാനുണ്ട്.പണ്ട് നമ്മള്‍ പറഞ്ഞിരുന്നു, ''സോവിയറ്റ് നാടെന്നൊരു നാടുണ്ടായിരുന്നു... പോവാന്‍ കഴിഞ്ഞെങ്കിലെന്ത് ഭാഗ്യം'' നമ്മുടെ സ്വപ്നഭൂമിയായ ആ റഷ്യയുടെ വര്‍ത്തമാനകാലത്തിന്റെ ഞെട്ടിക്കുന്ന ചരിത്രാവലോകനമാണ് 'ക്ലാവ് പിടിച്ച കാലം' എന്ന കൃതി. ''സോവിയറ്റ് യൂണിയനില്‍ മഴ പെയ്യുമ്പോള്‍ കുട ചൂടുന്ന മലയാളി'' എന്നൊരു പ്രയോഗവും ഓര്‍ത്തുപോകുന്നു. സ്വെറ്റ്‌ലാനയുടെ പുസ്തകം സഖാക്കളുടെ ഹൃദയത്തില്‍ തറച്ചുവീഴുന്ന വെടിയുണ്ടകളാണ്. എല്ലാം വളരെ പെട്ടെന്നായിരുന്നു സംഭവിച്ചത്. ഇന്നലെ വരെ അവര്‍ കമ്മ്യൂണിസ്റ്റുകാരായിരുന്നു. ഇന്ന് അങ്ങേയറ്റം ജനാധിപത്യവാദികള്‍. നല്ല കമ്മ്യൂണിസ്റ്റുകാര്‍ തന്നെ മതവിശ്വാസികളും സ്വതന്ത്രചിന്തകരുമായി മാറിപ്പോയി. ''സഖാവ്'' എന്ന മധുരമനോജ്ഞമായ ആശയം തന്നെ അവര്‍ മറന്നു. ഏതോ പകല്‍കിനാവുകളുടെ തീക്ഷ്ണപ്രകാശമാണ് അവിടെ ഒരു ഉന്മാദംപോലെ തളംകെട്ടിനിന്നിരുന്നത്. കമ്മ്യൂണിസ്റ്റുകാരെ നേര്‍ക്കുനേരെ കണ്ടാല്‍ അവര്‍ വെട്ടിവീഴ്ത്താന്‍ തയ്യാറായി നിന്നു. ഗോര്‍ക്കിയുടെയും മയക്കോവ്‌സ്‌കിയുടെയും ലെനിന്റെയും കൃതികള്‍ അവര്‍ ചവറ്റുകുട്ടയിലേക്കെറിഞ്ഞു. ജനാധിപത്യത്തെക്കുറിച്ച് സ്വര്‍ഗ്ഗരാജ്യം സ്വപ്നം കണ്ടവര്‍ അവസാനം എവിടെയാണ് എത്തിപ്പെട്ടത്? പ്രത്യാശകള്‍ നഷ്ടപ്പെട്ട മറ്റൊരു ലോകത്തിന്റെ മുന്നില്‍ അവര്‍ അന്ധാളിച്ചുനിന്നു. അവര്‍ക്ക് നഷ്ടപ്പെട്ടതൊന്നും തിരിച്ചെടുക്കാനാവാത്ത ഒരു ലോകത്തേക്ക്...''കഴിഞ്ഞ എഴുപത് കൊല്ലമായി അവര്‍ ഞങ്ങളോട് പറഞ്ഞത് പണം എന്നാല്‍ സന്തോഷം എന്നല്ല എന്നായിരുന്നു. ജീവിതത്തിലെ ഏറ്റവും നല്ല കാര്യങ്ങള്‍ നമുക്ക് സൗജന്യമായാണ് കിട്ടുന്നത്. ഉദാഹരണത്തിന് സ്‌നേഹം. ഏതോ വേദിയില്‍നിന്ന് ആരോ വിളിച്ചുപറഞ്ഞു, ''വില്‍ക്കൂ... പണമുണ്ടാക്കൂ...'' അതോടെ പഴയ ആശയങ്ങളെല്ലാം കാറ്റില്‍ പറന്നു. സോവിയറ്റ് പുസ്തകങ്ങളെ എല്ലാവരും മറന്നു. അ [..]

ഫന്റാസ് മിന്റ-കഥാകൃത്ത് പ്രിയ എ.എസ്സിന്റെ ഓര്‍മ്മക്കുറിപ്പുകള്‍

   ''ഫന്റാസ് മിന്റ'' - പ്രിയയുടെ ഒരു കഥയില്‍ ജാനു എന്ന കുട്ടി വര്‍ണക്കുമിളകള്‍ ഊതിവിട്ടുകളിക്കുകയാണ്. സൂര്യരശ്മികളില്‍ വെട്ടിത്തിളങ്ങുന്ന വര്‍ണക്കുമിളകള്‍ നോക്കിക്കൊണ്ട് ആരും അന്നുവരെ കേട്ടിട്ടില്ലാത്ത ഒരു വാക്ക് ''ഫന്റാസ് മിന്റ'' എന്ന് ജാനു പുന്നാരിച്ചുവിളിക്കുന്നുണ്ട്. ഈ ഓര്‍മ്മസമാഹാരത്തിലെ പ്രിയയുടെ കുറിമാനങ്ങള്‍ സൂര്യപ്രകാശത്തില്‍ വെട്ടിത്തിളങ്ങുന്ന വര്‍ണക്കുമിളകള്‍പോലെ സുതാര്യവും മനോഹരവുമായിരിക്കുന്നു. 'ഫന്റാസ് മിന്റ' എന്ന് വായനക്കാരനും പറഞ്ഞുപോകുന്നു.    ഇത് പ്രിയയുടെ ഏറ്റവും പുതിയ പുസ്തകം. ഏറെ സമകാലികമായ പ്രതികരണക്കുറിപ്പുകള്‍. താഴെ വീഴാതെ താങ്ങുന്ന ആരോ ഒരാള്‍, അത് എന്റെയുള്ളിലെ ഞാനാണോ, അതോ ഉള്ളില്‍ തന്നെയുള്ള - പക്ഷേ ഒരിക്കലും കാണാത്ത - ആരെങ്കിലുമാണോ? പ്രിയ ചോദിക്കുന്നു.    കല, സാഹിത്യം, സിനിമ, ഫെമിനിസം, മാതൃത്വം, സ്ത്രീസ്വാതന്ത്ര്യം തുടങ്ങിയ വിഷയങ്ങള്‍. അതോടൊപ്പം ഓട്ടിസത്തെക്കുറിച്ച് ഹൃദയസ്പര്‍ശിയായ പരാമര്‍ശങ്ങളുണ്ട്. തീര്‍ത്തും വൈയക്തികമായ അനുഭവങ്ങള്‍ കൂട്ടിക്കലര്‍ത്തി കാല്പനികഭാവനയോടെ ഹൃദയസ്പര്‍ശിയായി എഴുതിയിരിക്കുന്നു.     ഇതിലെ എല്ലാ കുറിമാനങ്ങളും സ്‌നേഹതന്മാത്രകളായി വിശേഷിപ്പിക്കപ്പെടുന്നു. പ്രിയ പറയുന്നു, ''പ്രതിസന്ധികളെ മറികടക്കാനുള്ള സൂത്രവാക്യങ്ങളും ഊന്നിനില്‍ക്കാനുള്ള വടിയും എനിക്ക് എന്റെ കഥകള്‍ തന്നെയായിരുന്നു.''   ഓര്‍മ്മയുടെ ഒരു കാട്, എപ്പോഴും കൂടെയുണ്ട്. ഇപ്പോഴും വര്‍ത്തമാനങ്ങള്‍ അവിടേക്കുതന്നെയാണ് വാക്കിനേയും വരയേയും എത്തിക്കുന്നതെന്ന് ഒരിക്കല്‍കൂടി പ്രിയ.എ.എസ് വായനക്കാരെ ഓര്‍മ്മപ്പെടുത്തുന്നു ഈ പുസ്തകത്തിലൂടെ.  [..]

മായാസൂര്യന്‍

സ്വന്തം ബുദ്ധിശക്തി ആര്‍ക്കും പണയപ്പെടുത്താതെ ചിന്തിക്കുകയും പ്രവര്‍ത്തിക്കുകയും ചെയ്യുമ്പോള്‍ മാത്രമാണ് യാഥാര്‍ത്ഥ്യങ്ങള്‍ തിരിച്ചറിയാന്‍ കഴിയുന്നത്.  എഴുത്ത് ഒരു സ്വപ്നവ്യാപാരമെന്ന തലംവിട്ട്, അനിവാര്യമായ ഒരു സാംസ്‌കാരിക ആക്ടിവിസമായിക്കാണുന്ന സക്കറിയ, തന്റെ പ്രതികരണങ്ങളിലെല്ലാം ഒരു മൂന്നാംകണ്ണിന്റെ ജാഗ്രതാബോധം പുലര്‍ത്തുന്നു. സക്കറിയയുടെ പ്രഭാഷണങ്ങള്‍ക്കും പ്രതികരണങ്ങള്‍ക്കും ചിന്തകള്‍ക്കും ഒരു പ്രതിരോധമൂല്യമുണ്ട്. ഏതൊരു കൊടിക്കീഴിലും ഫാസിസത്തിന്റെ സമഗ്രാധിപത്യ പ്രവണത അന്തര്‍ലീനമാണെന്നും സാമൂഹ്യാന്ധതയേയും പൊതുമറവികളേയും ചരിത്രാജ്ഞതയേയും മുതലെടുത്താണ് സമഗ്രാധിപത്യം വളരുന്നതെന്നും സക്കറിയ പറയുന്നു. ആഗോളവത്കരണവും അതിനോടൊത്ത് വികസിച്ചുവന്നിട്ടുള്ള കമ്പോളസംസ്‌കാരവുമാണ് യഥാര്‍ത്ഥത്തില്‍ മതത്തേയും രാഷ്ട്രീയത്തേയും കലാസാഹിത്യപ്രവര്‍ത്തനങ്ങളെയും നയിച്ചുകൊണ്ടിരിക്കുന്നതെന്നും സക്കറിയ പറയാതിരിക്കുന്നില്ല. മലയാളിയുടെ ദൗര്‍ഭാഗ്യമായി സക്കറിയ പറയുന്നത്, അവന്റെ പുറത്തെ പരിസ്ഥിതിയും അകത്തെ പരിസ്ഥിതിയും ഒരുപോലെ ചീഞ്ഞളിഞ്ഞിരിക്കുന്നു എന്നതാണ്. സ്വന്തം സൃഷ്ടിയായ മാലിന്യക്കൂമ്പാരങ്ങള്‍ക്കു നടുവില്‍ നിന്നുകൊണ്ട് പരിസ്ഥിതിസ്‌നേഹവും സംസ്‌കാരസമ്പന്നതയും പ്രഖ്യാപിക്കുന്നവരാണത്രേ നാം മലയാളികള്‍!  സ്വന്തം ആശയപ്രഖ്യാപനവും കാഴ്ചപ്പാടുകള്‍ക്കും ഒപ്പം പ്രഖ്യാതരായ ഒട്ടേറെ വ്യക്തികളെ ഈ പുസ്തകം പരിചയപ്പെടുത്തുന്നു. കയ്യൂര്‍ സമരചരിത്രം വളച്ചൊടിച്ചതാണെന്നും കൃഷ്ണപിള്ളയെ തലശ്ശേരിയില്‍വെച്ച് യുവാവായ എ.കെ.ജി കയ്യേറ്റം ചെയ്തുവെന്നുമൊക്കെ വിവാദമുണ്ടാക്കുന്ന പരാമര്‍ശങ്ങള്‍ ഇതിലുണ്ട്. അടിയന്തരാവസ്ഥ, നക്‌സലൈറ്റ് വ്യാമോഹങ്ങള്‍, സിഖ് കൂട്ടക്കൊല, ബാബറി മസ്ജിദ്, ഒട്ടനവധി വിഷയങ്ങള്‍ അനുസ്മരിക്കുന്നതിനോടൊപ്പം, ആരുടെയും വക്താവാതെ, ഒരു രാഷ്ട്രീയ പാര്‍ട്ടിയുടേയും നിഴലാകാതെ, പറയേണ്ടത് കാര്‍ക്കശ്യത്തോടെ വിളിച്ചുപറയുന്നുണ്ട് സക്കറിയ. കേരളീയ നവോത്ഥാനത്തെ രാഷ്ട്രീയപാര്‍ട്ടികളും മാധ്യമങ്ങളും ഉന്മൂലനം ചെയ്തുവെന്നും മാധ്യമങ്ങള്‍ അസത്യങ്ങളുടേയും അര്‍ദ്ധസത്യങ്ങളുടെയും ഉപജ്ഞാതാക്കളായി മാറിയെന്നും മ [..]

Loading... Scroll down to see more.
No more results to display.