LITERARY STUDIES

Font Problems

സ്ത്രീജീവിതത്തിന്റെ പ്രതിരോധങ്ങള്‍

പുരുഷ മേധാവിത്വം നിറഞ്ഞ ഒരു ലോകത്ത് തങ്ങളുടെ അവകാശങ്ങളെപ്പറ്റി ബോധവതിയാകുക, അല്ലെങ്കില്‍ തങ്ങളുടെ ജീവിതസഹനങ്ങളെ ഉയര്‍ത്തിപ്പിടിക്കുക എന്നതുതന്നെയാണ് സ്ത്രീസാഹിത്യത്തിന്റെ മൗലികമായ ധാര. കേരളീയ ജീവിതത്തിലും വളരെ പ്രസക്തമാണിത്.സൗദിഅറേബ്യയിലും സ്ത്രീയുടെ ദുരന്തകഥകളെഴുതാന്‍ ഇതാ ഒരു സുല്‍ത്താന രാജകുമാരി. ജീന്‍ സാസ്സണ്‍ എന്ന എഴുത്തുകാരിയിലൂടെ അവര്‍ നാല്പതോളം ഭാഷകളില്‍ ലോകത്തോടു സംവദിക്കുന്നു. അവരുടെ പ്രശസ്തമായ ട്രിലോഗിയുടെ അവസാന ഭാഗം - 'സുല്‍ത്താന രാജകുമാരി കണ്ണുനീരിനിയും ബാക്കിയുണ്ട്' ഇപ്പോള്‍ മലയാളത്തിലും. നോബല്‍ സമ്മാനിതയായ സ്വെറ്റ്‌ലാന അലക്‌സിവിച്ചിന്റെ 'യുദ്ധഭൂമിയിലെ സ്ത്രീപോരാളികള്‍' രണ്ടാം ലോകമഹായുദ്ധകാലത്ത് തോക്കേന്തിയ റഷ്യന്‍ പെണ്‍മനസ്സുകളുടെ തീവ്രമായ നൊമ്പരങ്ങളാണ്. മനുഷ്യ ജീവിതത്തിന്റെ തീവ്രതകളെ ചാലിച്ചെഴുതിയ പുസ്തകം. സ്ത്രീകളുടെ അന്തസ്സിനെ വാനോളം ഉയര്‍ത്തിപ്പിടിക്കുന്ന കൃതി.'സ്ത്രീയേയും പ്രണയത്തേയും കുറിച്ച്' തസ്ലീമ നസ്‌റിന്റെ തീവ്രമായ അനുഭവ പര്‍വ്വം. 'ചീ ഇീൗിൃ്യേ ളീൃ ണീാലി' എന്ന ബ്ലോഗില്‍ നിന്ന് എടുത്തുചേര്‍ത്തത്. ഒരു രാജ്യവും സ്ത്രീകള്‍ക്കുവേണ്ടിയുള്ളതല്ല എന്നതുതന്നെയാണ് അവരുടെ പോരാട്ടത്തിന്റെ കാതല്‍.കൂട്ടക്കൊലകളും വംശഹത്യകളും അരങ്ങേറുന്നൊരു ലോകത്ത് തടങ്കല്‍പ്പാളയങ്ങളിലെ സ്ത്രീകള്‍ക്ക് എന്തു സംഭവിക്കുന്നു? തന്റെ കുഞ്ഞിന് അജ്ഞാതനായ ഒരു പട്ടാളക്കാരന്റെ നെറികെട്ട മുഖം. തനിക്കൊരിക്കലും സ്വന്തമല്ലാത്ത ഒരു ശരീരം. ബോസ്‌നിയന്‍ പശ്ചാത്തലത്തില്‍ എഴുതപ്പെട്ട സ്ലാവെങ്ക ഡ്രാക്കുലിക്കിന്റെ പ്രശസ്തമായ നോവലാണ് 'അവള്‍'. [..]

സദ്ദാം ഹുസൈന്‍: അധിനിവേശത്തിന്റെ ഇര

    കെ.എം.ലെനിന്‍ സദ്ദാം ഹുസൈനെ അവതരിപ്പിക്കുമ്പോള്‍ അത് ആ ചരിത്രപുരുഷന്റെ ജീവിതകഥയോടൊപ്പം ലോകരാഷ്ട്രീയത്തിലെ ഒരുപാട് കാപട്യങ്ങളും അനാവൃതമാകുന്നു. ബ്രിട്ടീഷ്-അമേരിക്കന്‍ അധിനിവേശങ്ങളില്‍നിന്നും കടുത്ത സാമ്പത്തിക ചൂഷണങ്ങളില്‍നിന്നും സ്വന്തം നാടിനെ രക്ഷിക്കുവാന്‍ ത്യാഗോജ്ജ്വലവും വിരോചിതവുമായ പ്രവര്‍ത്തനങ്ങള്‍ നടത്തിയ സദ്ദാം ഹുസൈന്റെ ചിത്രം തിളക്കമുള്ളതാണ്.     എല്ലാംകൊണ്ടും ആരാധ്യനായ ഒരു ചരിത്രപുരുഷനായിരുന്നില്ല സദ്ദാം ഹുസൈന്‍. ആകെക്കൂടി വര്‍ജ്യമെന്നു വിധിക്കാവുന്ന നൃശംസതയുടെ മാത്രം പ്രതീകവുമായിരുന്നില്ല അദ്ദേഹം. ജീവചരിത്രകാരന്‍ എന്ന നിലയില്‍ തീര്‍ത്തും സന്തുലിതമായ നിലപാടില്‍ നിന്നുകൊണ്ട്, ചരിത്രപുരുഷന്‍ ശരിക്കും എന്താണോ അതായിത്തന്നെ അവതരിപ്പിക്കാനാണ് കെ.എം.ലെനിന്‍ ശ്രമിച്ചിട്ടുള്ളത്. അക്കാര്യം മുഖവുരയില്‍ അദ്ദേഹം വ്യക്തമാക്കിയിട്ടുണ്ട്.    അത്യന്തം നാടകീയമായ നിരവധി മുഹൂര്‍ത്തങ്ങളിലൂടെ കടന്നുപോവുന്ന ഒന്നായിരുന്നു സദ്ദാം ഹുസൈന്റെ ജീവിതം. കെ.എം.ലെനിന്‍ സമര്‍ത്ഥമായി അവ ഇഴപിരിച്ച് പരിശോധിച്ച് ആ ജീവിതത്തിലേക്ക് അനുവാചകരെ  ക്ഷണിക്കുകയാണ് ചെയ്യുന്നത്. സഫലം എന്നു വിശേഷിപ്പിക്കാവുന്ന നല്ലൊരു ജീവചരിത്രമാകുന്നു 'സദ്ദാം ഹുസൈന്‍ അധിനിവേശത്തിന്റെ ഇര'.(ഉള്ളെഴുത്ത് മാസിക) [..]

2017 ഫ്രാങ്ക്ഫര്‍ട്ട് ബുക്‌ഫെയര്‍

ഫ്രഞ്ച് ഇന്ത്യന്‍ കോണ്‍ഫറന്‍സില്‍ ഗ്രീന്‍ബുക്‌സിന് ശ്രദ്ധേയമായ പ്രാതിനിധ്യംഇത്തവണ ഫ്രാങ്ക്ഫര്‍ട്ട് പുസ്തക മഹോത്സവത്തിലെ country of honour  പദവി ഫ്രാന്‍സിനായിരുന്നു. തദവസരത്തില്‍ ഫ്രഞ്ച് കള്‍ച്ചറല്‍ മിഷന്‍ ഫ്രഞ്ച്-ഇന്ത്യന്‍ പബ്ലിഷിങ്ങിനെ സംബന്ധിച്ച് ഒരു കോണ്‍ഫറന്‍സ് സംഘടിപ്പിക്കുകയുണ്ടായി. സമകാലിക ഫ്രഞ്ച് സാഹിത്യത്തില്‍നിന്ന് ഏറ്റവുമധികം ഫ്രഞ്ച് പുസ്തകങ്ങള്‍ മലയാളത്തിലേക്ക് കൊണ്ടുവന്ന ബഹുമതിയുമായിട്ടാണ് ഈ കോണ്‍ഫറന്‍സില്‍ ഗ്രീന്‍ബുക്‌സിന്റെ പ്രാതിനിധ്യം ശ്രദ്ധിക്കപ്പെട്ടത്. മാനേജിങ് ഡയറക്ടര്‍ കൃഷ്ണദാസും ഡയറക്ടര്‍ സുഭാഷ് പൂങ്ങാട്ടുമായിരുന്നു ഗ്രീന്‍ബുക്‌സ് പ്രതിനിധികള്‍.    നോവല്‍ ജേതാക്കളായ ആല്‍ബേര്‍ കാമുവിന്റെ ആറു കൃതികള്‍, പാട്രിക് മോഡിയാനോയുടെ നാലു കൃതികള്‍, യാസ്മിന ഖാദ്രയുടെ മൂന്ന് കൃതികള്‍ ഗ്രീന്‍ബുക്‌സ് പ്രസിദ്ധീകരിച്ചു. കൂടാതെ രജിസ് ദെബ്രെ, ചെക്ക് എഴുത്തുകാരന്‍ മിലന്‍ കുന്ദേര എന്നിവരും മലയാളത്തിലേക്കുള്ള പുസ്തക വഴികളില്‍ സഞ്ചരിച്ചു കൊണ്ടിരിക്കുന്നു. നമ്മുടെ ഭാഷയെ  സംബന്ധിച്ചിടത്തോളം ഇതൊരു വലിയ നേട്ടമാണ്. ഇതിലെ ഭൂരിപക്ഷം കൃതികളും ഫ്രഞ്ചില്‍നിന്ന് തന്നെ നേരിട്ട് പരിഭാഷപ്പെടുത്തിയതാണ്. പ്രഭ ചാറ്റര്‍ജി സലീല ആലക്കാട്ട് തുടങ്ങിയ മികച്ച ഫ്രഞ്ച് പരിഭാഷകരും ഇതിന്റെ ഭാഗമായി മലയാള ഭാഷയോട് ചേര്‍ന്നു നില്‍ക്കുന്നു.    ഫ്രാങ്ക്ഫര്‍ട്ടിലെ കോണ്‍ഫറന്‍സില്‍ ആതിഥേയത്വം വഹിച്ചവര്‍ ''യാത്ര'' ബുക്ക് പബ്ലിഷറും ജയ്പൂര്‍ ബുക്ക് ഫെസ്റ്റിവല്‍ സംഘാടക കൂടിയായ നീന ഗുപ്ത, ഇന്ത്യന്‍  പ്രസാധകനും എഴുത്തുകാരനുമായ അശോക് സൈഗാള്‍, പ്രശസ്ത ഫ്രഞ്ച് പബ്ലിഷര്‍ ആയ എഡിഷന്‍സ് ടുല്‍മയുടെ മേധാവി മാഡം ലാറി ലിറോയ് എന്നിവരും ഡല്‍ഹിയിലെ ഫ്രഞ്ച് പ്രതിനിധി നികോളാസുമായിരുന്നു.     ഫ്രഞ്ചില്‍നിന്ന് ഗ്രീന്‍ ബുക്‌സിന് നിരവധി പരിഭാഷകള്‍ ഉണ്ടായി എന്ന് അഭിമാനപൂര്‍വം കൃഷ്ണദാസ് അവിടെ പ്രസ്താവിക്കുകയുണ്ടായി. റോബര്‍ട്ട് ലഫോണ്ട് പ്രതിനിധി ബെനീറ്റയും യാസ്മിന ഖാദ്രയുടെ മലയാള പബ്ലിഷറായ ഗ്രീന്‍ ബുക്‌സിനെ പ്രത്യേകം പ്രശംസിച്ചുകൊണ്ടു സംസാരിച്ചു. മലയാള പുസ്തകങ്ങളും ഇന്ത്യന്‍ പുസ്തകങ്ങളും ലോക സാഹിത്യത്തിലേക്ക് വഴിതുറക് [..]

ഗ്രീന്‍ബുക്‌സ് ഇനി അനന്തപുരിയിലും

മൂന്നാമത് ശാഖ ഉദ്ഘാടനം ചെയ്യപ്പെട്ടു2017 സെപ്തംബര്‍ 28ന് രാവിലെ 10.30ന് മലയാളത്തിലെ പ്രശസ്തരായ ഏഴ് സാഹിത്യ സാംസ്‌കാരിക നായകന്മാര്‍ ചേര്‍ന്ന് ഭദ്രദീപം കൊളുത്തി ഉദ്ഘാടനം ചെയ്തു.പത്മശ്രീ അടൂര്‍ ഗോപാലകൃഷ്ണന്‍, കവി ശ്രീകുമാരന്‍ തമ്പി, നോവലിസ്റ്റ് ജോര്‍ജ്ജ് ഓണക്കൂര്‍, മലയാള സര്‍വ്വകലാശാല വൈസ് ചാന്‍സലര്‍ ഡോ.കെ.ജയകുമാര്‍, പ്രശസ്ത കവി പ്രഭാവര്‍മ്മ, ബെന്യാമിന്‍ എന്നിവര്‍ ചേര്‍ന്നാണ് ഭദ്രദീപം തെളിയിച്ചത് ഗ്രീന്‍ബുക്‌സ് ചെയര്‍മാന്‍ വാസു ഐലക്കാട്, മാനേജിങ് ഡയറക്ടര്‍ കൃഷ്ണദാസ്, ഡയറക്ടറായ സുഭാഷ് പൂങ്ങാട്ട് എന്നിവരുടെ സാന്നിധ്യത്തില്‍ സമ്പന്നമായിരുന്നു വേദി.ചടങ്ങില്‍ ഡോ.സിബി മാത്യൂസ്, മഹാദേവന്‍ തമ്പി, ഡോ.ഉഷ എസ്.നായര്‍ തുടങ്ങിയവര്‍ സന്നിഹിതരായിരുന്നു. [..]

കഥകളുടെ സുവര്‍ണകാലം തിരിച്ചുവരുന്നു - ടി. പത്മനാഭന്‍

കഥാനവകം പുസ്തകപ്രകാശനവും സാംസ്‌കാരിക സദസ്സും    ഗ്രീന്‍ബുക്‌സ് പ്രസിദ്ധീകരിച്ച കഥാനവകം ഒമ്പത് എഴുത്തുകാരുടെ ഒമ്പത് പുസ്തകങ്ങള്‍ സാഹിത്യഅക്കാദമി ഹാളില്‍ പുസ്തകമേളയോടനുബന്ധിച്ച് (ഒക്‌ടോബര്‍ നാലാം തിയ്യതി) പ്രകാശനം ചെയ്തു. അന്നേദിവസം അത്യന്തം ആഹ്ലാദം നിറഞ്ഞ ഒരു പ്രതിഭാസംഗമത്തിന്റെ വേദിയായി മാറുകയായിരുന്നു അയ്യന്തോളിലുള്ള ഗ്രീന്‍ബുക്‌സിന്റെ കോര്‍പ്പറേറ്റ് ഓഫീസ്.  ഗ്രീന്‍ബുക്‌സിനോടുള്ള ഹൃദയബന്ധം ഊഷ്മളമായിരുന്നതിന്റെ പ്രതിഫലനമായിരുന്നു ടി. പത്മനാഭന്റേയും പ്രിയ എഴുത്തുകാരുടേയും ഒത്തുകൂടല്‍. പ്രൊഫ. പി.വി.കൃഷ്ണന്‍നായര്‍, അശോകന്‍ ചരുവില്‍, അഷ്ടമൂര്‍ത്തി, ശത്രുഘ്‌നന്‍, ബാലചന്ദ്രന്‍ വടക്കേടത്ത്, സുസ്‌മേഷ് ചന്ത്രോത്ത്,  വി.ബി. ജ്യോതിരാജ് എന്നിവരുടെ ചര്‍ച്ചയില്‍ നാട്ടിലെ സാമൂഹിക സാംസ്‌കാരികതലങ്ങളും സര്‍വ്വോപരി ഗ്രീന്‍ബുക്‌സിനോടുള്ള ഹൃദയബന്ധവും വെളിപ്പെടുത്തി.    പുസ്തക വ്യവസായത്തില്‍ പ്രസാധകര്‍ നേരിടുന്ന പ്രശ്‌നങ്ങളെക്കുറിച്ച് മാനേജിങ്ങ് ഡയറക്ടര്‍ കൃഷ്ണദാസ് സംസാരിച്ചു. പ്രശസ്ത കഥാകൃത്ത് ടി. പത്മനാഭന്‍ കേക്ക് മുറിച്ച് സ്‌നേഹകൂട്ടായ്മയെ മറക്കാനാവാത്ത ഒരനുഭവമാക്കിത്തീര്‍ത്തു. ഡയറക്ടര്‍ സുഭാഷ് പൂങ്ങാട്ട് സ്വാഗതം പറഞ്ഞു. ഡോ. വി. ശോഭ  നന്ദിപറഞ്ഞു.ഗ്രീന്‍ബുക്‌സ് പ്രസിദ്ധീകരിച്ച കഥാനവകം ഒമ്പത് എഴുത്തുകാരുടെ ഒമ്പത് പുസ്തകങ്ങളുടെ പ്രകാശനകര്‍മ്മം പ്രശസ്ത സാഹിത്യകാരന്‍ ടി. പത്മനാഭന്‍ ഉദ്ഘാടനം ചെയ്തു. പ്രകാശനവേദിയില്‍ ശത്രുഘ്‌നന്‍, അശോകന്‍ ചരുവില്‍, അഷ്ടമൂര്‍ത്തി, ശിഹാബുദ്ദീന്‍ പൊയ്ത്തുംകടവ്, സുസ്‌മേഷ് ചന്ത്രോത്ത്, സി.വി. ബാലകൃഷ്ണന്‍, ബാലചന്ദ്രന്‍ വടക്കേടത്ത് സന്നിഹിതരായിരുന്നു.     ചന്ദ്രമതിയുടേയും ഗൗതമന്റെയും ഇ. സന്തോഷ്‌കുമാറിന്റേയും അസാന്നിധ്യത്തില്‍ അവരുടെ പുസ്തകങ്ങള്‍ സാഹിത്യ അക്കാദമി സെക്രട്ടറി കെ.പി. മോഹനന്‍ ടി.പത്മനാഭനില്‍നിന്നും ഏറ്റുവാങ്ങി.കഥാനവകം പ്രകാശനവേദിയില്‍നിന്ന്‌കഥയുടെ സുവര്‍ണകാലം തിരിച്ചുവരികയാണ് ഗ്രീന്‍ബുക്‌സിലൂടെ എന്നതില്‍ അഭിമാനമുണ്ട്. ഒപ്പം എന്റെ ഭാഷയാണ് വളരുന്നതെന്നതിലും. -ടി.പത്മനാഭന്‍മാറുന്ന വായനക്കാലത്തിന്റെ അഭിരുചികള്‍ക്കൊപ്പം ഗ്രീന് [..]

Loading... Scroll down to see more.
No more results to display.