LITERARY STUDIES

Font Problems

നാളത്തെ പ്രതീക്ഷയുടെ നാമ്പുകള്‍

    തൃശൂര്‍ ജില്ലയിലെ ഹൈസ്‌കൂള്‍ വിദ്യാര്‍ത്ഥികള്‍ക്കായി ഗ്രീന്‍ബുക്‌സ് സംഘടിപ്പിച്ച നിരൂപണരചനാ മത്സരത്തില്‍ 60ലേറെ വിദ്യാര്‍ത്ഥികള്‍ പങ്കെടുത്തു. ഒന്നാംസമ്മാനം 5000 രൂപയും ട്രോഫിയും രണ്ടാംസമ്മാനം 3000 രൂപയും ട്രോഫിയും മൂന്നാം സമ്മാനം 2000 രൂപയും ട്രോഫിയും ലഭിക്കുന്ന സ്‌കൂളിന് യഥാക്രമം 10000, 7000, 5000 രൂപ മുഖവില വരുന്ന പുസ്തകങ്ങള്‍ സമ്മാനമായി ലഭിച്ചു. ഈ മത്സരത്തില്‍ ജില്ലയിലെ മിക്കവാറും സ്‌കൂളുകള്‍ പങ്കെടുത്തു. കുട്ടികളുടെ പുസ്തക നിരൂപണങ്ങള്‍ അമ്പരപ്പിക്കുന്ന നിലവാരമുള്ളതായിരുന്നു. പത്ത്  പുസ്തകങ്ങളാണ് നിരൂപണ മത്സരത്തിനുണ്ടായിരുന്നത്.(1) അമ്മമരം(2) മുറിവോരം (3) ചന്ദ്രജീവി (4) ഒരു സ്‌കൗട്ടിന്റെ ആത്മകഥ (5) ഉമ്മിണി വല്ല്യ ബഷീര്‍ (6) നമുക്കും സിനിമയെടുക്കാം (7) ഇടവഴിപ്പച്ചകള്‍ (8) കാട്ടിലും മേട്ടിലും (9) കണ്ടല്‍ക്കാട് (10) പ്രിയപ്പെട്ട ലിയോ.     ഓരോ കൃതിയേയും വ്യത്യസ്ത തലങ്ങളിലും രീതിയിലും കുട്ടികള്‍ കണ്ടെത്തുന്നുവെന്നത് ഗ്രീന്‍ബുക്‌സിനെ സംബന്ധിച്ചിടത്തോളം ഏറെ സന്തോഷകരമായിരുന്നു. തിരഞ്ഞെടുപ്പും വിലയിരുത്തലും ക്ലേശകരമായിരുന്നെങ്കിലും മലയാള സാഹിത്യത്തെ വിദ്യാര്‍ത്ഥികള്‍ ഗൗരവത്തോടെ സമീപിക്കുന്നു എന്ന് ഇതിലൂടെ ബോധ്യമായി.സാഹിത്യവും സംസ്‌കാരവും വിദ്യാര്‍ത്ഥികളില്‍നിന്ന് നഷ്ടപ്പെട്ടുപോയിട്ടില്ല എന്നതും ഇംഗ്ലീഷ് മീഡിയത്തില്‍ പഠിക്കുന്ന കുട്ടികള്‍പോലും നല്ലരീതിയില്‍ സമീപിച്ചുവെന്നതും ചാരിതാര്‍ത്ഥ്യജനകമാണ്.    നിരൂപണ രചനാമത്സര സമ്മാനവിതരണം ഒക്‌ടോബര്‍ 5ന്, സാഹിത്യ അക്കാദമിയില്‍ നടന്നു.      'വായനയും പാഠ്യപദ്ധതിയും' എന്ന വിഷയത്തില്‍ പൊതുവിദ്യാഭ്യാസ ഡയറക്ടറും എഴുത്തുകാരനുമായ കെ.വി. മോഹന്‍കുമാര്‍ ഐ.എ.എസ് പ്രഭാഷണം നടത്തി. ഓരോ സ്‌കൂളിനും ഒരു ലൈബ്രറി ആവശ്യമാണെന്നും ക്ലാസുകളിലും റഫറന്‍സ് ഗ്രന്ഥങ്ങള്‍ ഉണ്ടാവേണ്ടതുണ്ടെന്നും അദ്ദേഹം പറഞ്ഞു.ഗ്രീന്‍ബുക്‌സ് മാനേജിങ് ഡയറക്ടര്‍ കൃഷ്ണദാസ് അധ്യക്ഷത വഹിച്ചു. ഡയറക്ടര്‍ സുഭാഷ് പൂങ്ങാട്ട് സ്വാഗതം പറഞ്ഞു. സീനിയര്‍ സബ്ബ് എഡിറ്റര്‍ ഡോ. വി. ശോഭ മലയാള നിരൂപണമത്സരത്തെ വിലയിരുത്തി സംസാരിച്ചു.  വി.ബി. ജ്യോതിരാജ് നന്ദി രേഖപ്പെടുത്തി.മത്സരത്തില്‍ പങ്കെടുത [..]

സോവിയറ്റ് ഉരുക്കുകോട്ടയുടെ തകര്‍ച്ചയെക്കുറിച്ച്‌

ക്ലാവ്  പിടിച്ച കാലം"There are many worthwhile books on the post Soviet period and Putin's ascent. But the nonfiction volume that has done the most to deepen the emotional understanding of Russia during and after the collapse of Soviet Union of late is Svetlana Alexievich's oral history Second hand Time'' - The New Yorker.    സോവിയറ്റ് യൂണിയന്‍' മുന്നോട്ടുവെച്ച കമ്മ്യൂണിസമെന്ന ആശയത്തിന്റെ പ്രയോഗം നിത്യജീവിതത്തില്‍ അനുഭവിച്ച ജനത അതിനെ എങ്ങനെ നോക്കിക്കാണുന്നു എന്നറിയുക ഏറെ പ്രാധാന്യമുള്ളതാണ്. അനുഭവതലത്തിലെ ആ അറിവാണ് ക്ലാവ് പിടിച്ച കാലം എന്ന കൃതി ലോകത്തിന്റെ മുന്നില്‍ വെച്ചത്, അതില്‍ വേദനയുണ്ട്. വികാരമുണ്ട്, സ്വപ്നമുണ്ട്, നഷ്ടബോധമുണ്ട്, വിചാരവുമുണ്ട്. ഓരോരുത്തരും ഓരോ തലത്തിലാണ് ഈ തകര്‍ച്ചയെ നോക്കിക്കാണുന്നത്. ഇവയെല്ലാം ചരിത്രത്തില്‍ അവകാശപ്പെട്ടതാണ് എന്നു മാത്രമേ എഴുത്തുകാരി പറഞ്ഞുവെക്കുന്നുള്ളൂ. ആ സമൂഹം എത്രമാത്രം യാഥാര്‍ത്ഥ്യത്തില്‍ നിന്നും അകന്നാണ് കഴിഞ്ഞത് എന്ന് ഞെട്ടലോടെ അവരോടൊപ്പം നമ്മള്‍ വായനക്കാരും തിരിച്ചറിയുന്നു. ഇവിടെ ചരിത്രം തോറ്റുപോകുന്നു. സമൂഹത്തിന്റെ വേദന ഒപ്പിയെടുക്കാന്‍ ചരിത്രം അശക്തമാണ് എന്ന് ഇതിലെ ഓരോ പേജുകളും ഓര്‍മ്മിപ്പിക്കുന്നു. അവിടെയാണ് സ്വെറ്റ്‌ലാനയുടെ എഴുത്തിന്റെ കരുത്ത്.    സ്വെറ്റ്‌ലാന അലക്‌സിവിച്ചിന്റെ രണ്ടാമത്തെ കൃതി ദി സെക്കണ്ട് ഹാന്‍ഡ് ടൈം ഗ്രീന്‍ബുക്‌സ് മലയാളത്തിലേക്ക് കൊണ്ടുവരുന്നു. മലയാളത്തില്‍ ''ക്ലാവ് പിടിച്ച കാലം.'' എന്തായിരുന്നു സോവിയറ്റ് യൂണിയന്റെ തകര്‍ച്ചയ്ക്ക് കാരണമായിരുന്നത്? സാമ്പത്തിക കേന്ദ്രീകരണവും രാഷ്ട്രീയ കേന്ദ്രീകരണവും വികലമായ വികസന വീക്ഷണവും സോവിയറ്റ് യൂണിയനെ ശിഥിലമാക്കി. നേതാക്കന്മാര്‍ കുലാക്കുകള്‍ എന്നറിയപ്പെടുന്ന സമ്പന്നവര്‍ഗമായി മാറി. തന്നിഷ്ടക്കാരും സ്വേച്ഛാധിപതികളുമായി മാറി. ''ഓരോരുത്തര്‍ക്കും അവനവന്റെ ആവശ്യത്തിനനുസരിച്ച്'' സോവിയറ്റ് യൂണിയനില്‍ ഏറെ വികലമായാണ് അത് വായിക്കപ്പെട്ടത്.     കമ്മ്യൂണിസത്തിന്റെ ഭരണകൂടം താനേ കൊഴിഞ്ഞുപോകും എന്ന പ്രസ്താവനയെ അക്ഷരാര്‍ത്ഥത്തില്‍ എടുക്കുന്നത് അബദ്ധമാണ്. അസാധാരണമായ ഒരു കൃതിയാണ് ''ക്ലാവ് പിടിച്ച കാലം''. [..]

സൗദി സ്ത്രീകള്‍ക്ക് എന്തു സംഭവിക്കുന്നു

സുല്‍ത്താന രാജകുമാരി: കണ്ണുനീരിനിയും ബാക്കിയുണ്ട്‌ജീന്‍ സാസ്സണ്‍ പറയുന്നു-    സുല്‍ത്താന അല്‍സൗഉദ് രാജകുമാരിക്കൊപ്പമെഴുതുന്ന ഈ പുസ്തകം രാജകുമാരിയുടെയും അവരുടെ കുടുംബത്തിന്റെയും ജീവിതകഥയുടെ ബാക്കിപത്രം. സൗദി അറേബ്യയിലെ സ്ത്രീകളുടെ ജീവിതാവസ്ഥകള്‍ തുറന്നുകാണിക്കുന്നു. സ്ത്രീ സ്വാതന്ത്ര്യത്തിനായി പടവെട്ടുമ്പോള്‍ പുരുഷന്മാര്‍ അവരുടെ ഓരോ പടവിലും തടസ്സങ്ങള്‍ സൃഷ്ടിച്ചുകൊണ്ടേയിരുന്നു. ജന്നലുകളും വാതിലുകളും കൊട്ടിയടച്ചിരിക്കുന്ന സൗദി സ്ത്രീകളുടെ സ്വകാര്യജീവിതത്തിലേക്ക് ഈ പുസ്തകം എത്തിനോക്കുന്നു.    സൗദി അറേബ്യയില്‍ മാറ്റങ്ങള്‍ ഉണ്ടായിവരുന്നുണ്ട്. എങ്കിലും സൗദിസ്ത്രീകള്‍ സ്വതന്ത്രരല്ല. ഹൃദയം തകര്‍ക്കുന്ന കഥകള്‍ അനേകമുണ്ടാകുന്നുണ്ട്. പുരുഷന്മാരാകട്ടെ ഇപ്പോഴും തന്റെ ഭാര്യയേയോ മകളേയോ കൊന്നാല്‍പോലും ശിക്ഷിക്കപ്പെടാത്തവരും. ഇത്തരം ആക്രമണങ്ങളില്‍നിന്നും സ്ത്രീകളെ സംരക്ഷിക്കുവാന്‍ അധികം നിയമങ്ങളൊന്നും ഇന്നും നിലവിലില്ല. ഈ പുസ്തകത്തിലും ഇത്തരത്തിലുള്ള ദുഃഖകരമായ ചില കഥകള്‍ ഉള്‍പ്പെടുത്തിയിട്ടുണ്ട്. ഏങ്ങലടിച്ചു കരയുന്ന സൗദി-സ്ത്രീകളെ കണ്ടതിനാലാണ് 'കണ്ണുനീരിനിയും ബാക്കിയുണ്ട്' എന്ന് സുല്‍ത്താന രാജകുമാരി കേഴുന്നത്. ഇത് സൗദിസ്ത്രീകളിലെ പുതുതലമുറയുടെ ജീവിതങ്ങളിലേക്ക് എത്തിനോക്കുവാന്‍ വെമ്പല്‍കൊള്ളുന്ന വായനക്കാര്‍ക്കുവേണ്ടി എഴുതിയ പുസ്തകം.സുല്‍ത്താന രാജകുമാരി പറയുന്നു    ഒരിക്കലും രാജ്ഞിയാകാന്‍ കഴിയാത്ത ഒരു രാജകുമാരിയാണ് ഞാന്‍. എന്റെ രാജ്യത്ത് പൂര്‍ണസ്വാതന്ത്ര്യമുള്ളത് പുരുഷന്മാര്‍ക്കും കാറ്റിനും മാത്രമാണെന്നുള്ളതിനാലാണിത്. ഇന്നത്തെ സാഹചര്യത്തില്‍ സൗദിരാജകുടുംബത്തിന്റെ പരമോന്നത പദവിയിലേക്ക് ഒരിക്കലും ഒരു സ്ത്രീ ഉയര്‍ത്തപ്പെടുകയില്ല.    എന്റെ രാജ്യത്ത് മാറ്റങ്ങള്‍ കൊണ്ടുവരാനുള്ള ശ്രമത്തില്‍ ഇന്ന് ഞാന്‍ ഒറ്റയ്ക്കല്ല എന്നത് വളരെ സന്തോഷം നല്‍കുന്നു. സൗദി അറേബ്യയെക്കുറിച്ചുള്ള സത്യങ്ങള്‍ ലോകത്തിനോട് പറയുവാന്‍ എന്റെ സുരക്ഷാവലയം ഭേദിച്ചുകൊണ്ട് ഞാന്‍ പുറത്തുവരുന്നു.     എന്റെ നാട്ടിലിപ്പോള്‍ എന്തൊക്കെ നടക്കുന്നു എന്ന് നിങ്ങളോടെല്ലാം എനിക്ക് പറയണം. സാധാരണ [..]

ദൂരം വിളിക്കുമ്പോള്‍

പ്രവാസകാലത്തിന്റെ നാള്‍വഴികള്‍ ചര്‍ച്ച ചെയ്യുന്ന പുസ്തകംബെന്യാമിനും ശിഹാബുദ്ദീന്‍ പൊയ്ത്തുംകടവും വി. മുസഫിര്‍ അഹമ്മദും ഒന്നിച്ചിരുന്ന് പ്രവാസകാലത്തിന്റെ നാള്‍വഴികള്‍ ചര്‍ച്ച ചെയ്യുന്നു. കേരളത്തില്‍നിന്ന് ആദ്യമായി പുറത്തേക്ക് പോയ മലയാളി ആരായിരിക്കാം എന്ന ചിന്തയില്‍നിന്ന് പ്രവാസകാലത്തിന്റേയും അധിനിവേശത്തിന്റെയും ചരിത്രങ്ങള്‍ ഒന്നൊന്നായി വിചിന്തനം ചെയ്യപ്പെടുന്നു. മലയാളികളുടെ കുടിയേറ്റചരിത്രങ്ങളുടെ പുരാവൃത്തങ്ങള്‍ പറയുന്നു. കേരളീയന്റെ രക്തത്തില്‍ അലിഞ്ഞുചേര്‍ന്നതാണ് യാത്രകള്‍. കേരളചരിത്രം യാത്ര പോയവന്റെ മാത്രമല്ല, കേരളത്തിലേക്ക് യാത്ര ചെയ്തുവന്നവന്റെ ചരിത്രംകൂടിയാണ്. ഒന്നാം നൂറ്റാണ്ടില്‍ യഹൂദര്‍ വന്നതുമുതല്‍ ഇന്ന് ബംഗാളികള്‍ വന്നുകൊണ്ടിരിക്കുന്നതുവരെയുള്ള അതിദീര്‍ഘചരിത്രം. ഗള്‍ഫ് പ്രവാസമടക്കം വിവിധ രാജ്യങ്ങളിലേക്ക് ജീവിതസഞ്ചാരത്തിനായിപ്പോയ മലയാളി സമൂഹങ്ങളുടെ കഥ. യുദ്ധഭൂമിയില്‍ ഇപ്പോഴും അകപ്പെട്ടു കഴിയുന്ന മലയാളി നേഴ്‌സുമാര്‍.ലോകമെമ്പാടും പഴയകാലം മുതല്‍ മനുഷ്യകുലത്തിന്റെ ചരിത്രം സഞ്ചാരത്തിന്റേയും കുടിയേറ്റത്തിന്റേതുമാണ്. ലോകത്തില്‍തന്നെ അതില്‍ ഏറ്റവും അധികം ഇന്ത്യക്കാരാണ്. നമ്മുടെ ജന്മദേശം, നമ്മുടെ ഭൂഖണ്ഡം എന്നൊക്കെയുള്ള മനുഷ്യന്റെ വാദം യഥാര്‍ത്ഥത്തില്‍ നിരര്‍ത്ഥകമായ ഒരു വിശ്വാസമാണ്. സാര്‍ത്ഥകമായ ചര്‍ച്ചയ്ക്കും സംവാദത്തിനും ഈ കൊച്ചുപുസ്തകം വഴിയൊരുക്കുന്നു. പ്രവാസത്തെക്കുറിച്ച് അനുബന്ധ ലേഖനങ്ങള്‍, കത്തുകള്‍, കത്തുപാട്ടുകള്‍, വായനക്കാരുടെ കത്തുകള്‍... [..]

മറുജീവിതത്തിന്റെ കണ്ണുകള്‍

വേദനകള്‍ മറക്കാന്‍ അടച്ചുവെച്ച കണ്ണുകളുടെ പ്രവാസജന്മങ്ങള്‍    ഗള്‍ഫുകാരന്റെ പലവിധ നഷ്ടങ്ങളെക്കുറിച്ച് പറയുന്നവരാരും കാലത്തിന്റെ കാര്യത്തില്‍ അയാള്‍ക്കു വന്നുപെടുന്ന സ്തംഭനത്തെക്കുറിച്ച് ചര്‍ച്ച ചെയ്യാറില്ല. തുടര്‍ച്ചകള്‍ അറ്റുപോകുന്ന കാലമാണ് ഗള്‍ഫുകാരന്റെ ഏറ്റവും വലിയ നഷ്ടം. ഗള്‍ഫ് മലയാളി ശരീരംകൊണ്ട് ഗള്‍ഫിലും മനസ്സുകൊണ്ട് കേരളത്തിലുമാണ് ജീവിക്കുന്നത്. ഒരാളിന്റെ ശരീരംപോലെതന്നെ പ്രധാനപ്പെട്ടതാണ് ഓര്‍മ്മയും. ഓര്‍മ്മകളുടെ സ്തംഭനം ഒരുതരം മരണമാണ്. അതല്ലെങ്കില്‍ കൂട് വിട്ട് കൂട് മാറലാണ്. നാട്ടില്‍ സ്തംഭിച്ചുനില്‍ക്കുന്ന മനസ്സിനെ മറന്നുള്ള ശരീരത്തിന്റെ നിലനില്പുമത്സരം തീര്‍ച്ചയായും ഒരു യുദ്ധം തന്നെയാണ്, ദാരിദ്ര്യം എന്ന ശത്രുവിനെതിരെയുള്ള സാമ്പത്തികയുദ്ധമല്ലാതെ ഗള്‍ഫ് കുടിയേറ്റത്തിന് വേറെ ഉപമകളില്ല. ഈ ന്യൂനതയില്‍ ഏറെക്കാലം ഗള്‍ഫില്‍ കഴിഞ്ഞ പ്രവാസി നാട്ടില്‍ തിരിച്ചെത്തി ഒന്ന് 'സെറ്റില്‍' ചെയ്യുമ്പോള്‍ നഷ്ടപ്പെട്ട ഓര്‍മ്മകളുടെ കാലസ്തംഭനം അവനെ എല്ലാവിധത്തിലും ശ്വാസംമുട്ടിക്കുന്നു.    മരുഭൂമിയിലെ ചുട്ട വെയിലിനെ നോക്കി ഞാറ്റുവേലയെപ്പറ്റി പറയുന്നു. ഇളംബ്രൗണ്‍ നിറത്തിലുള്ള മരുഭൂമിയിലെ വരണ്ട മണ്ണിനെനോക്കി നാട്ടിലെ പച്ചവെയിലിനെപ്പറ്റി വാചാലനാകുന്നു.  മരുഭൂമിയിലെ മരീചികപോലെ അവസാനിക്കുന്ന ഒരു മറുജീവിതം! [..]

FORTH COMING BOOKS

 

Loading... Scroll down to see more.
No more results to display.