ടെന്‍ അവീവില്‍ ഡോക്ടറായി ജോലിചെയ്യുന്ന ഇസ്രായേല്‍ പൗരത്വമുള്ള ഡോ.അമീന്‍ ഴഫാരി. ടെല്‍ അവീവില്‍ തന്നെയുള്ള ഒരു റെസ്റ്റോറന്റില്‍ ഒരു മനുഷ്യബോംബായി പൊട്ടിത്തെറിച്ച ഡോക്ടറുടെ ഭാര്യ. പ്രഹേളികപോലെ അനുഭവപ്പെട്ട ഒരു സംഭവത്തിന്റെ കുരുക്കുകള്‍ അഴിച്ചെടുക്കുന്ന ഡോക്ടറുടെ മനുഷ്യത്വത്തിന്റെ തീവ്രമായ കഥയാണ് ആക്രമണം. സ്വന്തം ആശുപത്രിയിലെ മോര്‍ച്ചറിയില്‍ മനുഷ്യമാംസങ്ങളുടെ അവശിഷ്ടത്തോടൊപ്പം തന്റെ ഭാര്യയുടെ ഛേദിക്കപ്പെട്ട തല മാത്രം കാണുന്ന ഡോക്ടര്‍ വേദനയില്‍ നൊന്തുകേഴുന്ന അന്വേഷണ യാത്രകള്‍ നടത്തുന്നു. തന്റെ ഭാര്യ എങ്ങനെയാണ് ഭീകരവാദത്തിന്റെ വഴിയില്‍ വീണുപോയത്? സ്‌നേഹനിധിയായ ഒരു ഭര്‍ത്താവിന്റെ തീര്‍ത്ഥാടനമാണ് ഈ നോവല്‍.ആക്രമണംയാസ്മിനാ ഖാദ്രാ  [..]

    അഫ്ഗാനിസ്ഥാന്‍ ഒരു ശൂന്യതയാണ്. ഒരു മൂളിപ്പാട്ട് പോലും കേള്‍ക്കാനില്ലാത്ത ശൂന്യത. താളവാദ്യങ്ങളില്ല. ഗാനാലാപങ്ങളില്ല. ചിരിയില്ല. സല്ലാപമില്ല. ഭീകരമായി മുഴങ്ങുന്ന ഒരു ശ്മശാനഭൂമിയാണ്. മതപുരോഹിതന്മാരുടെ ഭ്രാന്തന്‍ ജല്പനങ്ങളും ശിക്ഷകളും ഏറ്റുവാങ്ങുന്ന ശവപ്പറമ്പില്‍ അകപ്പെട്ട സ്ത്രീപുരുഷന്മാര്‍. നെഞ്ചിന്‍കൂട് തകര്‍ക്കുന്നവിധം മതവൈകൃതങ്ങള്‍ വരുത്തിവെച്ച സ്ത്രീപുരുഷബന്ധങ്ങളുടെ ശൈഥില്യങ്ങളുടെ കഥ.കാബൂളിലെ നാരായണപ്പക്ഷികള്‍, യാസ്മിനാ ഖാദ്രാ  [..]

    ഒരു ആപ്പിള്‍മരത്തിന്റെ പശ്ചാത്തലത്തില്‍ കിളികളോടു മാത്രം സംസാരിച്ചുശീലിച്ച കെവെ മുത്തശ്ശിയുടെ ചരിത്രം - പഴയകാലത്തിന്റെ ഇമ്പമാര്‍ന്ന ഓര്‍മ്മച്ചിത്രങ്ങളാണ്. കഥ പറയുമ്പോള്‍ അമ്മ എല്ലാവരെയും 'നിഷ്‌കളങ്കര്‍' എന്നാണ് പറയുക.    കുര്‍ദ് വംശജരുടെ മൂന്ന് തലമുറകളുടെ കഥകള്‍ പറയുന്ന പുസ്തകമാണിത്. ഇറാന്‍, ഇറാഖ്, സിറിയ, തുര്‍ക്കി എന്നീ രാജ്യങ്ങള്‍ പങ്കിടുന്ന ഒരു ജനവിഭാഗമായ കുര്‍ദുകള്‍, രാജ്യങ്ങളുടെ അതിര്‍ത്തിരേഖകള്‍ക്കിടയില്‍ കീറിമുറിഞ്ഞാണ് കിടക്കുന്നത്. കീറിമുറിഞ്ഞതാണ് അവരുടെ സാംസ്‌കാരിക അസ്തിത്വവും. വിശുദ്ധമാനസര്‍ വിചിത്രമായ തലമുറക്കഥകള്‍ പറയുന്നു.വിശുദ്ധമാനസര്‍ബുറാന്‍ സോന്മെസ് [..]

ബീഭത്സമായ അധോലോകവാഴ്ചയുടെ മര്‍ദ്ദനമുറകള്‍ വെളിപ്പെടുത്തുന്ന പുസ്തകം. ഇതിലെ കഥാപാത്രങ്ങള്‍ ആരും പുറംലോകം കാണുന്നില്ല. ഭൂഗര്‍ഭത്തിലുള്ള ഒരു ഇടുങ്ങിയ ഇരുട്ടറയില്‍ അകപ്പെട്ട മനുഷ്യരുടെ കഥ, അസാധാരണമായ രീതിയില്‍ സ്പര്‍ശങ്ങളുടെയും ശ്രവണങ്ങളുടെയും ഭാവനകളുടെയും അടിസ്ഥാനത്തില്‍ പടുത്തുയര്‍ത്തിയ നോവല്‍. പീഡനമുറിയില്‍ അകപ്പെട്ടതെങ്ങനെ എന്ന കഥ ഓരോരുത്തരും ഓരോരോ അധ്യായങ്ങളിലായി പറഞ്ഞുവെക്കുന്നു. വ്യവസ്ഥാപിത ഭരണത്തിനെതിരെ, കൊടുംഅനീതികള്‍ക്കെതിരെ പോരാടുന്ന രഹസ്യസംഘടനയിലുള്ളവര്‍, പരസ്പരം അറിയുമെങ്കിലും നേരില്‍ കാണാത്തവര്‍. തടവറയുടെ ഇരുട്ടറയില്‍ അവര്‍ അനുഭവിക്കുന്ന സമാനതകളില്ലാത്ത കൊടുംപീഡനങ്ങളുടെ കഥ, 'ഇസ്താംബൂള്‍ ഇസ്താംബൂള്‍.'ഇസ്താംബൂള്‍ ഇസ്താംബൂള്‍ബുറാന്‍ സോന്മെസ് [..]

'നിര്‍ഭയം' പ്രസിദ്ധീകരിക്കപ്പെട്ടതിന്റെ പശ്ചാത്തലത്തില്‍ ഡോ.സിബി മാത്യൂസ് 'സത്യദീപം' സബ് എഡിറ്റര്‍ ഷിജു ആച്ചാണ്ടിയോട് സംസാരിച്ചതിന്റെ ചില ഭാഗങ്ങള്‍: (1) പൗരന്മാര്‍ പങ്കെടുക്കുന്ന സമരങ്ങളെ ബലം പ്രയോഗിച്ചല്ല നേരിടേണ്ടത്. സമരക്കാരോട് സംസാരിക്കാന്‍ തയ്യാറാവണം. പ്രശ്‌നങ്ങള്‍ മനസ്സിലാക്കാന്‍ ശ്രമിക്കണം. (2) സൂര്യനെല്ലി കേസ് പൂര്‍ണമായും ഞാന്‍ ഈ പുസ്തകത്തില്‍ വിശദീകരിച്ചിട്ടില്ല. എനിക്ക് ബോധ്യപ്പെട്ട ഒരു കാര്യം മറ്റിവച്ചിട്ട് ഒരാളെ അറസ്റ്റ് ചെയ്യാനൊന്നും എനിക്ക് പറ്റില്ല. ഐ.എസ്.ആര്‍.ഒ. കേസിലും അതുതന്നെയാണ് ഉണ്ടായതും. അതിന്റെ മുഴുവന്‍ വിശദാംശങ്ങളും ഈ പുസ്തകത്തിലുണ്ട്. കളവും കെട്ടിച്ചമച്ചതും കൃത്രിമവുമായ കേസില്‍ അറസ്റ്റ് ചെയ്ത്, ഇന്ത്യയുടെ ബഹിരാകാശപദ്ധതികളെ അട്ടിമറിക്കുകയാണ് ഞാന്‍ ചെയ്തതെങ്കില്‍ എന്നെ അറസ്റ്റ് ചെയ്ത് ജയിലില്‍ ഇടേണ്ടതല്ലെ? (3) തീവ്രവാദത്തെയൊന്നും പ്രോത്സാഹിപ്പിക്കുന്ന യാതൊരു സമീപനവും [..]