>>>>>>>>>>>>>>>> Green Books India Pvt Ltd - Publishers of Quality Books In Kerala

LITERARY STUDIES

Font Problems

ഗ്രാമീണത്തനിമയുടെ സാക്ഷാത്ക്കാരം

    പുതിയ വായനാസംസ്‌കാരം സ്വപ്നം കാണുന്ന കൃതി. വര്‍ഷങ്ങളായി മലയാള നോവലില്‍ നിന്ന് 'ഹൈജാക്ക്' ചെയ്യപ്പെട്ട ഗ്രാമീണത്തനിമ അതിന്റെ പൂര്‍ണതയില്‍ പ്രത്യക്ഷപ്പെടുകയാണ് പാങ്ങില്‍ ഭാസ്‌കരന്റെ നന്ദികേശന്‍ എന്ന നോവലില്‍. തൃശൂരിലെ ഇയ്യാല്‍ എന്ന ഗ്രാമത്തിലെ താനുള്‍പ്പെടുന്ന മനുഷ്യരുടെ കഥ പറയുമ്പോള്‍, ഓരോ ഗ്രാമത്തിനും ദേശത്തിനും വ്യത്യസ്തമായ ആത്മാവും ഭാഷയുമുണ്ടെന്ന യാഥാര്‍ത്ഥ്യം നോവലിസ്റ്റ് തിരിച്ചറിയുന്നു.     സഹസ്രാബ്ധങ്ങളായി ദേശമണ്ണില്‍ ഉറഞ്ഞുകിടക്കുന്ന ഐതിഹ്യങ്ങളും കടങ്കഥകളുമാണ് ഏതു ദേശത്തിന്റേയും ആത്മാവ്. അതു വായിച്ചെടുക്കുവാനുള്ള ഭാഷ ദേശവുമായുള്ള ആത്മബന്ധത്തില്‍ നിന്നു മാത്രമേയുണ്ടാവൂ. ദേശത്തെ അടയാളപ്പെടുത്തേണ്ടത് പരിഷ്‌കൃതമായ നാഗരികഭാഷ കൊണ്ടല്ല ദേശത്തിന്റെ ആത്മഭാഷയായ ദേശപ്പേച്ചുകൊണ്ടാണ്. തസ്രാക്ക് പേച്ചുകൊണ്ട് വിജയന്‍ ഖസാക്കിലെ നിഷ്‌കളങ്കരായ മനുഷ്യരെ വരച്ചുവയ്ക്കുന്നതുപോലെ ഇ& [..]

യുദ്ധഭൂമിയിലെ സ്ത്രീപോരാളികള്‍

തോക്കേന്തിയ റഷ്യന്‍ പെണ്‍മനസ്സുകളുടെ തീവ്രനൊമ്പരങ്ങള്‍2015ല്‍ നോബല്‍ സമ്മാനിതയായ സ്വെറ്റ്‌ലാന അലക്‌സിവിച്ചിന്റെ കൃതി ഗ്രീന്‍ ബുക്‌സ് പ്രസിദ്ധീകരിക്കുന്നുഅമ്മമാരുടെ നെഞ്ചിലൂറിയ യുദ്ധകാലത്തെ ആയിരമായിരം കദനകഥകള്‍കൊണ്ട് കണ്ണുനീരണിഞ്ഞു നില്‍ക്കുന്നു ഈ പുസ്തകം. നമ്മുടെ നെഞ്ചിലേക്ക് തീക്കനലുകള്‍ കോരിയിടുന്ന സ്ത്രീ പോരാട്ടക്കഥകള്‍. സ്ത്രീസഹജമായ നൈര്‍മ്മല്യങ്ങളേയും ദൗര്‍ബ്ബല്യങ്ങളേയും വലിച്ചെറിഞ്ഞുകൊണ്ട് രണാങ്കണത്തിന്റെ  ചോരപ്പുഴയിലേക്ക് അവര്‍ ധീരം മാര്‍ച്ച് ചെയ്തു. സ്വെറ്റ്‌ലാന അലക്‌സിവിച്ച് പ്രഖ്യാപിക്കുന്നു - യുദ്ധത്തേക്കാള്‍ എത്രയോ വലുതാണ് മനുഷ്യന്‍.    റഷ്യയില്‍ ഫാസിസ്റ്റ് യുദ്ധത്തിനെതിരെ നടന്നത് മഹത്തായ ഒരു ജനകീയ യുദ്ധമായിരുന്നു. യുദ്ധമുന്നണിയിലേക്ക് പുരുഷ പടയാളികളോടൊപ്പം നാനാതുറയിലുള്ള സ്ത്രീകളും തോക്കുധാരികളായി മുന്നിട്ടിറങ്ങി. ചരിത്രത്തില്‍ മുന്‍പെങ്ങും കണ്ടിട്ടില്ല [..]

ഇന്ത്യയും ഇന്ദിരയും

ഇന്ത്യയും ഇന്ദിരയും അഭേദ്യമായി ചേര്‍ന്നുനില്‍ക്കുന്ന ചരിത്രകഥ    ഒരു മരക്കൊമ്പിലിരിക്കുന്ന രണ്ട് കിളികള്‍ തമ്മിലുള്ള സംവാദത്തിലാണ് നോവല്‍ തുടങ്ങുന്നത്. ഇന്ദിരാഗാന്ധിയുടെ അസാധാരണമായ ജീവചരിത്രം കഥാകൃത്ത് കിളിയെക്കൊണ്ട് പറയിപ്പിക്കുന്നു എന്ന വ്യത്യാസം മാറ്റിവെച്ചാല്‍, ഇത് ഒരു ചരിത്രപുസ്തകമാണ്. ശ്രീമതി ഇന്ദിരാഗാന്ധിയുടെ ജീവചരിത്രത്തിന്റെ പൊതുവേ അറിയപ്പെടാത്ത ധാരാളം വസ്തുതകള്‍ ഇതിലുണ്ട്. ഫ്രാങ്ക് ഒബ്‌റോഫ് എന്ന ഫ്രഞ്ചുകാരന്‍ ഇന്ദിരയെ പ്രണയിച്ചിരുന്നു. ഫിറോസ് ഗാന്ധിയുമായി വിവാഹബന്ധം ഏര്‍പ്പെടുന്നതിനു മുമ്പ് ഇന്ദിരയ്ക്ക് അഭിമുഖീകരിക്കേണ്ടിവന്നത് ഫ്രാങ്ക് ഒബ്‌റോഫിന്റെ നിരന്തരമായ പ്രേമാഭ്യര്‍ത്ഥനകളായിരുന്നു.    പൊതുവേ അറിഞ്ഞിട്ടില്ലാത്ത ഇന്ദിരാഗാന്ധിയുടെ ജീവചരിത്രമാണ് ''സൂര്യകാന്തം'' എന്ന നോവല്‍. വായനയെ അനിവാര്യമാക്കുന്ന ചരിത്രസന്ദര്‍ഭങ്ങള്‍ ഈ നോവലിനുണ്ട്. ഇന്ത്യയും ഇന്ദിരയും അഭ [..]

രാഷ്ട്രീയ നോവല്‍

രണ്ടിടങ്ങഴിക്കുശേഷം പിറന്ന മലയാളത്തിലെ രാഷ്ട്രീയ നോവല്‍    മലയാളത്തിന്റെ രണ്ടാമത്തെ രാഷ്ട്രീയനോവലാണ് കെ.വി. മോഹന്‍കുമാറിന്റെ 'ഉഷ്ണരാശി'. വര്‍ഗ്ഗസമരത്തിന്റെ തീവ്രതയെ വരച്ചുകാണിച്ച തകഴിയുടെ രണ്ടിടങ്ങഴിയാണ് മലയാളത്തിന്റെ ആദ്യത്തെ രാഷ്ട്രീയനോവല്‍. ചോരയില്‍ കുതിര്‍ന്ന പുന്നപ്ര വയലാര്‍ വിപ്ലവത്തിന്റെ സംഭവബഹുലമായ കഥ. കാലത്തിന്റെ തനിമയോടെ കരപ്പുറത്തിന്റെ ഇതിഹാസമായി ആലേഖനം ചെയ്ത കൃതി. കരപ്പുറത്തിന്റെ ഇതിഹാസം ഒരു നാടിന്റെ മുഴുവന്‍ ഇതിഹാസമായി മാറുന്നു. ജന്മി-നാടുവാഴിത്ത കാലത്തിന്റെ പൈശാചികത, സര്‍ സി.പിയുടെ പൊലീസിന്റെയും പട്ടാളത്തിന്റെയും ചോരക്കുരുതികള്‍, അടിച്ചമര്‍ത്തപ്പെട്ട കുടികിടപ്പുകാരുടെ ചവിട്ടിയരയ്ക്കപ്പെട്ട ജീവിതയാഥാര്‍ത്ഥ്യങ്ങള്‍, ജന്മിമാരുടെ ക്രൂരമായ ബലാത്സംഗങ്ങള്‍, ഒരു ഫ്‌ളാഷ് ബാക്കിലെന്നപോലെ കഥ. ഐതിഹാസികമായ ഒരു ഭൂതകാലവും കരപ്പുറത്തിന്റെ വര്‍ത്തമാനകാലവും സമ്മിശ്രമായി കണ്ണി ച&# [..]

പ്യൂപ്പ

കലയുടെ അഗ്നിശുദ്ധിയില്‍ സ്വയം ഹോമിച്ച് എഴുത്തിനോട്  നീതി പുലര്‍ത്താന്‍ സ്വയം പ്യൂപ്പയാകുന്ന കാത്തിരിപ്പിന്റെ കഥ    വര്‍ണ്ണച്ചിറകുമായി പറക്കുവാന്‍ മോഹിച്ച് തന്റെ ഊഴത്തിനായി കാത്തിരിക്കുന്ന ചിത്രശലഭത്തിന്റെ പ്യൂപ്പദശയില്‍ എഴുത്തുജീവിതത്തിന്റെ തിരിച്ചുവരവിനുവേണ്ടി കാത്തിരിക്കുന്ന ബാഹുലേയന്‍ എന്ന എഴുത്തുകാരന്റെ മനസ്സ്, ബാല്യകാലം, യൗവ്വനം, രാഷ്ട്രീയം, ജീവിതകാമനകള്‍, കാലക്രമത്തോടെ അവതരിപ്പിക്കുന്ന നോവല്‍. സാഹിത്യരാഷ്ട്രീയവേദികളിലെ പല പ്രശസ്തരും ഈ നോവലില്‍ കടന്നുവരുന്നു. അനസൂയ എന്ന ഒരു സങ്കല്പ കഥാപാത്രത്തെ സാക്ഷിനിര്‍ത്തി കുമ്പസാരം പോലെയുള്ള കഥപറച്ചില്‍. സ്വപ്നവും യാഥാര്‍ത്ഥ്യവും ഇടകലര്‍ന്ന രചനാരീതി. മദ്യം, സ്ത്രീവിഷയം, ശിഥില കുടുംബബന്ധങ്ങള്‍. പ്രണയവും മരണവും ഒത്തുചേരുന്ന അപൂര്‍വശോഭയുള്ള സന്ധിബന്ധങ്ങള്‍. കലയുടെ അഗ്നിശുദ്ധിയില്‍ സ്വയം ഹോമിച്ച് എഴുത്തിനോട് നീതി  പുലര്‍ത്താന്‍ ശ്രമിŎ [..]

Loading... Scroll down to see more.
No more results to display.
>>>>>>