LITERARY STUDIES

Font Problems

സൈബർ ക്രൈം

പോര്‍ണോഗ്രാഫി, ഓണ്‍ലൈന്‍ മോഷണങ്ങള്‍, മയക്കുമരുന്ന് വില്പന, ചൂതാട്ടം, അപകീര്‍ത്തിപ്പെടുത്തല്‍, സൈബര്‍ ഭീകരവാദം, ഡെത്ത് ഗെയിം തുടങ്ങിയ കുറ്റകൃത്യങ്ങള്‍ നിറഞ്ഞുനില്‍ക്കുന്ന ഒരു സൈബര്‍ കാലഘട്ടമാണിത്. അവയെ വേണ്ടവിധം അറിയാനുള്ള വായനക്കാരന്റെ ആകാംക്ഷയാണ് ഈ കൃതി. വിവരസാങ്കേതികവിദ്യ ഉപയോഗിക്കുന്നവര്‍ നിശ്ചയമായും വായിച്ചിരിക്കേണ്ട പുസ്തകം. [..]

ആത്മഹത്യ കഥകൾ

    ഈ പുസ്തകം വെറും ഒരു കഥാസമാഹാരമല്ല. അതിസങ്കീര്‍ണമായ മാനസികവിഷമങ്ങള്‍ അനുഭവിക്കുന്നവരുടെ കഥകള്‍ മനശ്ശാസ്ത്ര കാഴ്ചപ്പാടിലൂടെ അവതരിപ്പിക്കുന്നു. വ്യത്യസ്തരായ ആറ് കഥാപാത്രങ്ങള്‍. ആറ് കഥകള്‍. താളം തെറ്റിയ മനുഷ്യമനസ്സുകളാണ് വിഷയം.    ആത്മഹത്യാശ്രമം പലപ്പോഴും സഹായമഭ്യര്‍ത്ഥിച്ചുകൊണ്ടുള്ള മൗനരോദനങ്ങളാണ്. നിഷ്ഫലമായ അതിജീവനശ്രമങ്ങളുടെ ദാരുണ അന്ത്യവും. ജീവിച്ചുകൊതിതീരാത്ത ഒരാളുടെ വേദനാജനകമായ അന്ത്യമാണ് സംഭവിക്കുക. വ്യക്തികളുടെ മാനസിക സംഘര്‍ഷങ്ങള്‍, മനോവ്യഥ, നൊമ്പരങ്ങള്‍, ഇതൊക്കെ വായനക്കാര്‍ക്ക് അനുഭവവേദ്യമാക്കാന്‍ കഥാകൃത്ത് പരമാവധി ശ്രമിച്ചിട്ടുണ്ട്. ഒരു കൊടുങ്കാറ്റ് പോലെ നമ്മുടെ ഹൃദയത്തില്‍ ആഞ്ഞടിക്കുന്ന കഥകള്‍. വായനക്കാരുടെ മനോനിലകളിലേക്ക് ഒരു നെരിപ്പോട് പോലെ അവ നീറിപ്പടരുന്നു. ഇത്രയും അര്‍ത്ഥപൂര്‍ണവും ഹൃദയസ്പര്‍ശിയുമായ സൈക്യാട്രി രചനകള്‍ മലയാളത്തില്‍ അപൂര്‍വമാണ്. ഇതിലെ പല കഥകളും നമ്മുടെ ചിന്താലോകത്ത് മരുഭൂമിയിലെ തീക്കാറ്റുകളായി ചീറിക്കൊണ്ടേയിരിക്കും. നിശ്ചയമായും വായിച്ചിരിക്കേണ്ട പുസ്തകം. [..]

കോഴിക്കോടൻ ചലച്ചിത്രഗ്രന്ഥ പുരസ്‌കാരം നീലന്

കോഴിക്കോടൻ സ്മാരകസമിതിയുടെ കോഴിക്കോടൻ ചലച്ചിത്രഗ്രന്ഥ പുരസ്‌കാരം നീലന് നൽകുമെന്ന് സെക്രട്ടറി പി.ആർ.നാഥൻ പത്രസമ്മേളനത്തിൽ അറിയിച്ചു. നീലന്റെ 'സിനിമ  സ്വപ്നം ജീവിതം' എന്ന കൃതിക്കാണ് പുരസ്കാരം. 10,001 രൂപയും ശില്പവും അടങ്ങുന്നതാണ് അവാർഡ്. 20 ന് 5.30 ന് കോഴിക്കോട് കെ.പി.കേശവമേനോൻ ഹാളിൽ ശ്രീകുമാരൻ തമ്പി പുരസ്‌കാരം നൽകും. [..]

ഗ്രീന്‍ബുക്‌സിന്റെ രണ്ട് അന്താരാഷ്ട്ര എഴുത്തുകാര്‍

ഷാര്‍ജ ബുക്‌ഫെയറില്‍ സിനാന്‍ അന്‍തൂണും ബുറാന്‍ സോന്മെസുംഷാര്‍ജ ഇന്റര്‍നാഷണല്‍ ഫെസ്റ്റിവലില്‍ ഇപ്രാവശ്യം ഗ്രീന്‍ബുക്‌സ് പവലിയന്‍ സന്ദര്‍ശിച്ച  പ്രമുഖരുടെ കൂട്ടത്തില്‍ രണ്ട് പ്രശസ്ത അന്താരാഷ്ട്ര എഴുത്തുകാര്‍ ഉണ്ടായിരുന്നു. ഗ്രീന്‍ബുക്‌സിന്റെ എഴുത്തുകാര്‍ എന്ന വിശേഷണത്തിനുകൂടി അര്‍ഹരായവര്‍. അറബി സാഹിത്യത്തിലെ അറിയപ്പെടുന്ന കവിയും വാഗ്മിയും നോവലിസ്റ്റുമായ രണ്ട് പേര്‍. സിനാന്‍ അന്‍തൂണും ബുറാന്‍ സോന്മെസും. ഏറ്റവും സന്തോഷവും വിസ്മയവും പകര്‍ന്നുതന്ന ഒരു കൂടിക്കാഴ്ചയായിരുന്നു അത്. സിനാന്‍ അന്‍തൂണ്‍, ഇറാഖില്‍ ജനിച്ചുവളര്‍ന്ന് ഇപ്പോള്‍ അമേരിക്കയില്‍ ജീവിക്കുന്നു. അദ്ദേഹത്തിന്റെ 'വെള്ള പുതപ്പിക്കുന്നവര്‍' എന്ന നോവല്‍ ഗ്രീന്‍ബുക്‌സ് അറബിഭാഷയില്‍നിന്ന് നേരിട്ട് വിവര്‍ത്തനം ചെയ്ത് പ്രസിദ്ധീകരിച്ചു. യുദ്ധവും വംശീയവെറിയും ഉപരോധവും സാമ്രാജ്യത്വവും സ്വേച്ഛാധിപത്യവും മതവര്‍ഗീയതയും നരകതുല്യമാക്കി മാറ്റിയ ഇറാക്കിലെ സമകാലീന അവസ്ഥകള്‍. മൃതദേഹം കഴുകുന്ന ജോലി ചെയ്യുന്ന ഒരു പിതാവിന്റേയും മകന്റേയും ജീവിതാവസ്ഥകളിലൂടെ വെളിപ്പെടുത്തുകയാണ് ഈ കൃതി. മോഹങ്ങളും ദുഃഖങ്ങളും ചേര്‍ന്ന പേടിസ്വപ്നങ്ങളുടെ ഒരു ലോകം. ശവഘോഷയാത്രകളുടെ പെരുമ്പറകള്‍ക്കു മുന്നിലാണ് ജവാദ് എന്ന മകന്‍ അന്ധാളിച്ചുനില്‍ക്കുന്നത്. കലാകാരനും ബിരുദധാരിയും ആയിട്ടുപോലും ശവം കഴുകാന്‍ നിര്‍ബന്ധിതനായവന്‍. സംഭ്രമജനകമായ ഈ നോവല്‍, ഇറാന്‍-ഇറാഖ് സംഘര്‍ഷം സംബന്ധിച്ച് ലണ്ടനിലെ ഗാര്‍ഡിയന്‍ ദിനപത്രം തെരഞ്ഞെടുത്ത ഏറ്റവും മികച്ച പത്ത് പുസ്തകങ്ങളിലൊന്നാണ്. സിനാന്‍ അന്‍തൂണിന്റെ സാന്നിധ്യം ഗ്രീന്‍ബുക്‌സിന്റെ പ്രമുഖരായ സന്ദര്‍ശകരുടെ കൂട്ടത്തില്‍ തങ്കലിപികളില്‍ എഴുതിവയ്‌ക്കേണ്ട ഒന്നാണ്. ഗ്രീന്‍ബുക്‌സ് പവലിയന്‍ സന്ദര്‍ശിച്ച പ്രമുഖനായ മറ്റൊരെഴുത്തുകാരന്‍ ബുറാന്‍ സോന്മെസ്, തുര്‍ക്കിയിലെ സുപ്രസിദ്ധനായ കവിയും നോവലിസ്റ്റുമാണ്. അദ്ദേഹത്തിന്റെ മൂന്ന് പ്രധാന കൃതികള്‍ ''ഇസ്താംബൂള്‍ ഇസ്താംബൂള്‍'', ''വിശുദ്ധമാനസര്‍'', ''നോര്‍ത്ത്'' എന്നിവയാണ്. ''വിശുദ്ധമാനസര്‍'' കുര്‍ദ് ജീവിതത്തിന്റേയും പ്രവാസത്തിന്റേയും കഥയാണ്. പല തലമുറകളിലൂടെ, പല രാജ്യങ്ങള്‍ പങ്കിട്ടു ജീവിക്കുന്ന കുര്‍ [..]

ഓര്‍ക്കുന്നുവോ എന്‍ കൃഷ്ണയെ... മൂന്നാംഭാഗം

ജീവിതത്തിന്റെ അനുസ്യൂതമായ സഞ്ചാരവേളയില്‍ കണ്ടുമുട്ടിയവര്‍, പരസ്പരം ഒന്നിച്ചുചേര്‍ന്നവര്‍ പിന്നെ എവിടെയെല്ലാമോ പിരിഞ്ഞുപോകുന്നു. അവരുടെ വിഷാദങ്ങള്‍ക്കും സങ്കടങ്ങള്‍ക്കും സന്തോഷങ്ങള്‍ക്കുമൊപ്പം നമ്മളും ഒന്നിച്ചുചേരുന്നു. അവരോടൊപ്പം പല വഴികളിലൂടെ സഞ്ചരിക്കുന്നു. അനേകം മുഖങ്ങള്‍ നമുക്കു മുന്നില്‍ ചോദ്യങ്ങളും ഉത്തരങ്ങളുമായി പ്രത്യക്ഷപ്പെട്ട് അകന്നുപോവുകയാണ്. പരസ്പരം സ്‌നേഹം പങ്കുവെച്ച് വേദനിച്ചു നീറുന്നവര്‍. ആരുടെയൊക്കെയോ ഭയത്തിന്റെ ഇരകള്‍. ഒരു പ്രഹേളികാനുഭവമായി മാറുന്ന ജീവിതത്തില്‍നിന്ന് കാലം നമ്മളില്‍നിന്ന് എടുത്തുകൊണ്ടുപോയ സഹനത്തിന്റേയും സാന്ത്വനത്തിന്റേയും സ്പര്‍ശങ്ങള്‍. കൃഷ്ണ, നിരുപമ, സൂര്യതേജസ്സ്, ഗോഡ്ഫ്രി, ദില്‍ജിത്ത്...''ഒരു കാര്യം ചോദിക്കട്ടെ...''''ഒന്നല്ല, ഒരുപാട് ചോദിച്ചോളൂ...''''ആരാണ് നിനക്ക് കൃഷ്ണ?''''അവള്‍ എന്റെ സായൂജ്യം.''''ആരാണ് നിനക്ക് നിരുപമ?''''അവളെനിക്ക് സ്വപ്നങ്ങളിലേക്ക് പിടിച്ചുകയറാനുള്ള പൂമരം...''ഒരാള്‍ നിറനിലാവിന്റെ സായൂജ്യമാണെങ്കില്‍ മറ്റേയാള്‍ സ്വപ്നസാക്ഷാത്ക്കാരത്തിലേക്കുള്ള പൂമരം. ഒന്നാംഭാഗവും രണ്ടാംഭാഗവും നമുക്കു നല്‍കിയ അതേ ഭാവമണ്ഡലത്തിന്റെ തുടര്‍ച്ച. സ്‌നേഹത്തിന്റേയും നന്മയുടേയും ആര്‍ദ്രതയില്‍ ചാലിച്ച വായനാനുഭവം പകര്‍ന്നുതരുന്നു. തപ്തനിശ്വാസങ്ങളുടെ സംഗീതം ഉരുവിടുന്ന മൂന്നാംഭാഗം, കഥാഭാഗങ്ങളുടെ തുടര്‍ച്ച മുറിഞ്ഞുപോകാതെ ഭാവമുഗ്ദ്ധതയുടെ അനുഭവലാവണ്യം ഒരേപോലെ നിലനിര്‍ത്തിയിരിക്കുന്നു. വായനക്കാരുടെ മനസ്സിന്റെ കിളിവാതിലിലേക്ക് മെല്ലെ തുറന്ന് അകത്തുകയറി ഇടംതേടുന്ന വശ്യമായൊരു ആഖ്യാനതന്ത്രമാണ് പലേരിയുടെ സാഹിത്യവൈഭവത്തിന്റെ വിജയം. നന്മയുടെ നിറനിലാവില്‍ കുളിച്ചുനില്‍ക്കുന്ന ഒരുപിടി അനശ്വരകഥാപാത്രങ്ങള്‍ക്കൊപ്പം, പൊട്ടിത്തൂളി പാറിനടക്കുന്ന അപ്പൂപ്പന്‍താടിപോലെ ചില കഥാപാത്രങ്ങള്‍ നമ്മെ ഏറെ വിസ്മയിപ്പിക്കും. വേരറ്റുപോകുന്ന ജീവിതത്തില്‍ അള്ളിപ്പിടിച്ചുനില്‍ക്കുന്ന സ്വപ്നങ്ങളുടെ ക്ഷണികത അറിഞ്ഞിട്ടും വേദനയുടെ ക്രൂശിതരൂപങ്ങളായി ജീവിക്കുന്ന മനുഷ്യര്‍. അവരുടെയുള്ളിലെ സ്‌നേഹത്തിന്റെയും നന്മയുടെയും നൈര്‍മ്മല്യം വായിച്ചുതീരാത്ത വേദപുസ്തകത്തിലെ കീര്‍ത്തനങ്ങളായി നമ്മു [..]

FORTH COMING BOOKS

 

Loading... Scroll down to see more.
No more results to display.