എം എൻ  പാലൂർ   (1932 - 2018)

കവി, എഴുത്തുകാരന്‍.എറണാകുളം ജില്ലയിലെ പറവൂരിനടുത്ത് പാറക്കടവില്‍ ജനനം. 

യഥാർത്ഥ പേര് പാലൂർ മാധവൻ നമ്പൂതിരി എന്നാണ്.പാരമ്പര്യവിദ്യാഭ്യാസത്തോടൊപ്പം വേദവും പഠിച്ചു. പട്ടിക്കാംതൊടി രാമുണ്ണിമേനോന്‍റെ കീഴില്‍ പതിമൂന്നാംവയസ്സില്‍ കഥകളി അഭ്യസിക്കാന്‍ തുടങ്ങി. മൂന്നുകൊല്ലം അദ്ദേഹത്തിന്‍റെ കീഴിലും ഒരു കൊല്ലം  വാഴേങ്കട കുഞ്ചുനായരുടെ കീഴിലും  കഥകളി അഭ്യസിച്ചു.  ഉപജീവനത്തിനു വേണ്ടി മോട്ടോര്‍ മെക്കാനിസവും ഡ്രൈവിങ്ങും പഠിച്ചു. 1951 മുതല്‍ നാലു വര്‍ഷം കെ.പി. നാരായണപ്പിഷാരോടിയുടെ അടുത്ത് സംസ്കൃതം പഠിച്ചു.

1957ല്‍ ബോംബെയ്ക്കു പോയി. 1959 മുതല്‍ ഇന്ത്യന്‍ എയര്‍ലൈന്‍സില്‍ ജോലിചെയ്തു.  1990 ജൂണ്‍ 30 ന് വിരമിച്ചു.  

എംഎൻ പാലൂരിന്റെ ആത്മകഥയാണ് കഥയില്ലാത്തവന്റെ കഥ. 2013ലെ കേന്ദ്ര സാഹിത്യ അക്കാദമി പുരസ്‌കാരം ലഭിച്ചു. ഈ കൃതി ഗ്രീൻ ബുക്‌സ് ആണ് പ്രസിദ്ധീകരിച്ചത്. 

ഗ്രീൻ ബുക്‌സ് പ്രസിദ്ധീകരിച്ച എംഎൻ പാലൂരിന്റെ കവിതാസമാഹാരങ്ങൾ   : മലയാളത്തിന്റെ പ്രിയകവിതകൾ   - എം എൻ പാലൂർ  ,  പേരില്ലാപ്പൂവ് 

മറ്റു കവിതാസമാഹാരങ്ങള്‍: പേടിത്തൊണ്ടന്‍, തീര്‍ത്ഥയാത്ര, സുഗമസംഗീതം, കലികാലം, കവിത, സര്‍ഗ്ഗധാര, ഒളിച്ചുകളി, ഭംഗിയും അഭംഗിയും, പച്ചമാങ്ങ.

പുരസ്കാരങ്ങൾ

·           1983-ൽ കലികാലം എന്ന കവിതാ സമാഹാരത്തിനു കേരള സാഹിത്യ അക്കാദമി അവാർഡ് .

·         2009-ലെ ആശാൻ സ്മാരക കവിതാ പുരസ്കാരം .

·         2004-ൽ കേരള സാഹിത്യ അക്കാദമിയുടെ സമഗ്ര സംഭാവനക്കുള്ള പുരസ്കാരം .

·         2013-ൽ കേന്ദ്ര സാഹിത്യ അക്കാദമി പുരസ്കാരം .