അബ്ദുള്‍റസാഖ് ഗുര്‍ന
പ്രൊഫസര്‍, നോവലിസ്റ്റ്. ആഫ്രിക്കന്‍ രാജ്യമായ ടാന്‍സാനിയയിലെ  സാന്‍സിബാറില്‍ 1948ല്‍ ജനനം.  ബ്രിട്ടീഷുകാരനായ അബ്ദുള്‍റസാഖ് ഗുര്‍ന  2021ലെ സാഹിത്യത്തിനുള്ള നോബല്‍ സമ്മാനം  നേടിയതോടെ ലോകശ്രദ്ധ പിടിച്ചുപറ്റി.  ഏറ്റവും ശ്രദ്ധേയ രചനയാണ് പറുദീസ (Paradise - 1994). 1960കളില്‍ സാന്‍സിബാര്‍ വിപ്ലവകാലത്ത്  അഭയാര്‍ത്ഥിയായി യുകെയിലേക്ക് പോയി.  കൊളോണിയലിസത്തിന്റെ പ്രത്യാഘാതങ്ങളും  ഗള്‍ഫിലെ അഭയാര്‍ത്ഥികളുടെ പ്രശ്‌നങ്ങളും  ചര്‍ച്ച ചെയ്യുന്ന ഈ നോവലിനാണ് 2021ല്‍ അദ്ദേഹത്തിന് സാഹിത്യത്തിനുള്ള നോബല്‍ സമ്മാനം ലഭിച്ചത്.  വിരമിക്കുന്നതുവരെ കെന്റ് സര്‍വ്വകലാശാലയുടെ  ഇംഗ്ലീഷ് വിഭാഗത്തില്‍ പ്രൊഫസറായിരുന്നു. ആഫ്രിക്കന്‍ എഴുത്തിനെക്കുറിച്ചുള്ള രണ്ട് വാള്യങ്ങള്‍  എഡിറ്റ് ചെയ്തിട്ടുണ്ട്. വി.എസ്. നയ്പാള്‍, സല്‍മാന്‍  റുഷ്ദി, സോ വി കോംബ് എന്നിവര്‍ അദ്ദേഹത്തിന്റെ  സമകാലീനരാണ്. അവരെക്കുറിച്ചുള്ള ലേഖനങ്ങളും  പ്രസിദ്ധീകരിച്ചിട്ടുണ്ട്. 1987 മുതല്‍ വാസഫിയുടെ എഡിറ്ററാണ്.
Memory of Departure, Pilgrims Way, Dottie, Admiring Silence,  By the Sea, Desertion, The Last Gift, Gravel Heart, Afterlives
തുടങ്ങിയ നോവലുകളും ധാരാളം ചെറുകഥകളും ഉപന്യാസങ്ങളും വിമര്‍ശനഗ്രന്ഥങ്ങളും രചിച്ചിട്ടുണ്ട്.

സുരേഷ് എം.ജി.: 1962ല്‍ തൃശൂര്‍ ജില്ലയിലെ
ചൊവ്വന്നൂര്‍ പഞ്ചായത്തില്‍ പുതുശ്ശേരിയില്‍ ജനനം.
ഇംഗ്ലീഷ് സാഹിത്യത്തില്‍ ബിരുദം.
നിരവധി കൃതികളുടെ പരിഭാഷകനാണ്.