Valsalan Vathussery
വത്സലന് വാതുശ്ശേരി
സര്വ്വകലാശാലാ പ്രൊഫസ്സര്, കഥാകൃത്ത്, തിരക്കഥാകൃത്ത്, നോവലിസ്റ്റ്, നിരൂപകന്, ഗവേഷകന്.
1963 മാര്ച്ച് 18 എറണാകുളം ജില്ലയില് ജനനം. മലയാളത്തില് എം.എ., എം.ഫില്, പിഎച്ച്.ഡി
ബിരുദങ്ങള്. ജേര്ണലിസത്തില്
പി.ജി.ഡിപ്ലോമ.
നൂറിലേറെ കഥകളും രണ്ടു നോവലുകളും നിരവധി നിരൂപണലേഖനങ്ങളും പ്രസിദ്ധീകരിച്ചിട്ടുണ്ട്.
കൃതികള്: ഗുഹാചിത്രങ്ങള്, മറുപുറം, ഗ്യാസ് ചേംബര്, ചുവരെഴുത്ത്, ഗെയിം പ്ലാന് (കഥകള്) വാര്ഷികരേഖ (നോവല്), ഒറ്റയാന്മാരുടെ വഴി, കഥയും ഫാന്റസിയും, കഥയുടെ ന്യൂക്ലിയസ്,
പരീക്കുട്ടി എന്ന വാസ്കോഡഗാമ, മലയാള സാഹിത്യനിരൂപണം അടരുകള് അടയാളങ്ങള് (നിരൂപണം), മലകള് യാത്രകള് (യാത്ര), സിനിമ കാഴ്ചകള്ക്കപ്പുറം (ചലച്ചിത്രപഠനം).
പുരസ്കാരങ്ങള്: മികച്ച ചലചിത്രപഠനലേഖനത്തിനുള്ള സംസ്ഥാന അവാര്ഡ്, എസ്.ബി.ടി. അവാര്ഡ്, ഇടശ്ശേരി അവാര്ഡ്, അപ്പന് തമ്പുരാന് നോവല് പുരസ്കാരം, മലയാറ്റൂര് നോവല്
അവാര്ഡ്, കെ.എ. കൊടുങ്ങല്ലൂര് കഥാപുരസ്കാരം, ആശാന് പ്രബന്ധസമ്മാനം, മണിയൂര് ഇ ബാലന് അവാര്ഡ്, മികച്ച തിരക്കഥാകൃത്തിനുള്ള സംസ്ഥാന ടെലിവിഷന് അവാര്ഡ്
(ടൈപ്പ് റൈറ്റര്
2007). തിരക്കഥ രചിച്ച അങ്കുരം (2014), സ്വനം (2017)
എന്നീ ചിത്രങ്ങള്ക്ക് മികച്ച കുട്ടികളുടെ ചിത്രത്തിനുള്ള സംസ്ഥാന അവാര്ഡ്.
നിഷാദ് (ഹിന്ദി സിനിമ. സംവിധാനം: ഷാജി എന്. കരുണ്) എന്ന സിനിമയടക്കം നാല് ഫീച്ചര്
സിനിമകള്ക്കും ഒമ്പത് ഷോര്ട്ട്
സിനിമകള്ക്കും തിരക്കഥയെഴുതി.
അലിഗഢ് മുസ്ലിം സര്കലാശാലയിലും മാഹി മഹാത്മാഗാന്ധി കോളേജിലും അധ്യാപകനായിരുന്നു. കാലടി ശ്രീ ശങ്കരാചാര്യ സംസ്കൃത സര്കലാശാലയില് മലയാളം പ്രൊഫസ്സറായി 2023ല് വിരമിച്ചു.
തൃശ്ശൂര് ജില്ലയില് ചാലക്കുടിയില്
താമസിക്കുന്നു.
ഇ മെയില് :
Aparalokam അപരലോകം
അപരലോകംവത്സലന് വാതുശ്ശേരി "ഇതൊരു റിയാലിറ്റി ഷോ ആണ്. ഈ റിയാലിറ്റി ഷോയിൽ നമ്മുടെ ഊഴം അവസാനിച്ചു കഴിഞ്ഞു. വലിയ വലിയ പ്രതിഭാശാലികളുടെയും അഭ്യാസികളുടെയും കളിക്കളമാണിത്. നമ്മൾ കളത്തിന് പുറത്താണ്.' എലിമിനേഷൻ റൗണ്ട്, സച്ചിൻ ടെണ്ടുൽക്കർ, ഹോംസ്, അപരലോകം, കരഗതം തുടങ്ങി പുതിയ കാലത്തിൻ്റെ സന്ദേഹങ്ങളും സംഘർഷങ്ങളും ആവിഷ്കരിക്കുന്ന..
Vishamavrutham
ട്രാഫിക് ബ്ലോക്കിൽ അകപ്പെട്ട ഒരു കൂട്ടം മനുഷ്യരുടെ കഥ. അതിൽ സാധാരണക്കാരനും ജയിൽപുള്ളിയും രോഗിയും ഉൾപ്പെടുന്നു. രക്ഷപെടേണ്ടതെങ്ങനെ എന്ന് ചിന്തിക്കുന്നവർ തന്നെ അവരറിയാതെ ഒരു മതിൽക്കെട്ടിനകത്തു എത്തി ചേരുന്നു .വിചിത്രമായ വർത്തമാനകാലത്തിന്റെ കാഴ്ച പരിസരങ്ങളാണ് ഈ നോവലിലൂടെ ആവിഷ്കരിക്കുന്നത്...