ജോർജ് ഓർവെൽ

യഥാർത്ഥപേര്. എറിക് ആർതർ ബ്ലെയർ (25 ജൂൺ 1903 - 21 ജനുവരി 1950)

ഇംഗ്ലീഷ് നോവലിസ്റ്റ്, കവി, ഉപന്യാസകാരൻ, പത്രപ്രവർത്തകൻ, നിരൂപകൻ.

ഓർവെൽ തന്റെ ആലങ്കാരിക നോവലായ അനിമൽ ഫാം (1945), ഡിസ്റ്റോപ്പിയൻ നോവലായ നയൻറ്റീൻ എയ്‌റ്റിഫോർ (1949) എന്നിവയിലൂടെയാണ് കൂടുതൽ അറിയപ്പെട്ടത്.

വ്യാവസായിക വടക്കൻ ഇംഗ്ലണ്ടിലെ തൊഴിലാളിവർഗ ജീവിതത്തെക്കുറിച്ചുള്ള തന്റെ അനുഭവങ്ങൾ രേഖപ്പെടുത്തുന്ന ദി റോഡ് ടു വിഗൻ പിയർ, സ്പ‌ാനിഷ് ആഭ്യന്തരയുദ്ധത്തിൽ റിപ്പബ്ലിക്കൻ വിഭാഗത്തിനുവേണ്ടി പോരാടിയ അനുഭവങ്ങളുടെ വിവരണമായ ഹോമേജ് ടു കാറ്റലോണിയ എന്നിവയുൾപ്പെടെയുള്ള അദ്ദേഹത്തിന്റെ നോൺഫിക്‌ഷൻ കൃതികൾ, രാഷ്ട്രീയം, സാഹിത്യം, ഭാഷ, സംസ്‌കാരം എന്നിവയെക്കുറിച്ചുള്ള അദ്ദേഹത്തിൻ്റെ ഉപന്യാസങ്ങൾപോലെ തന്നെ വിമർശനാത്മകമായി ബഹുമാനിക്കപ്പെടുന്നു.

2008ൽ, ദി ടൈംസ് ഓർവെലിനെ 1945ന് ശേഷമുള്ള രണ്ടാമത്തെ ഏറ്റവും മികച്ച ബ്രിട്ടീഷ് എഴുത്തുകാരനായി തിരഞ്ഞെടുത്തു