Kazhchakurippukal കാഴ്ചക്കുറിപ്പുകൾ

കാഴ്ചക്കുറിപ്പുകൾ    by   സി.എ. കൃഷ്ണൻ

ഒരുകാലത്ത് നാടും നാട്ടുകാരും അപ്പനപ്പൂപ്പന്മാരും കടന്നുപോയ ത്യാഗോജ്ജ്വലമായ ജീവിതത്തിന്റെ പെരുവഴികൾ. അവരുടെയൊക്കെ അടയാളപ്പെടുത്തലുകൾ. ഇന്നത് ഏഴതിരുകളും ലംഘിച്ച് വ്യാപിക്കുകയാണ്. അക്കൂട്ടത്തിൽ കേട്ടറിവുള്ള കാര്യങ്ങൾ അക്ഷരത്തിൽ പകർത്തുന്ന ഒരു നിയോഗത്തിൻ്റെ ബാക്കിപത്രമാണ് ഈ കൃതി.ജനിച്ച നാട് കേരളത്തിൻ്റെ ഒരു പരിച്ഛേദമായ ചൂരക്കാട്ടുകരയിലെ കെടുതികളും കഷ്ടപ്പാടുകളും നിറഞ്ഞ ജനജീവിതം. പരസ്‌പരം താങ്ങായും തണലായും അവർ തലമുറകളെ വളർത്തി. ജീവിതമൂല്യങ്ങൾ ഉണ്ടാക്കി. അതിൽ അരുതെന്നും അരുതാത്തതെന്നും അതിർവരമ്പുകളുണ്ടാക്കി. ആ കാലത്തിന്റേയും ജീവിതത്തിന്റേയും തിരിഞ്ഞു നോട്ടമാണിത്. അങ്ങനെ, തിരിഞ്ഞുനോക്കുമ്പോൾ ചൂരക്കാട്ടുകര എഴുത്തുകാരൻ്റെ മാത്രം ഗ്രാമമല്ലെന്നും അതിൽ നിങ്ങളും നിങ്ങളുടെ നാടും നിങ്ങളുടെ പ്രിയപ്പെട്ടവരും ഒക്കെ എവിടെയെങ്കിലും കടന്നുവരാതിരിക്കില്ലെന്നും   ഓർമ്മപ്പെടുത്തുന്ന രചന