La Sa Gu -ല സാ ഗു

ല സാ ഗു
പൂന്തോട്ടത്ത് വിനയകുമാര്‍

പ്രവാസജീവിതത്തിന്‍റെ തീക്ഷ്ണതയില്‍ ഉരുകിയൊലിക്കുന്ന വിയര്‍പ്പുപ്പാണ് വിനയകുമാറിന്‍റെ കഥകള്‍. പറിച്ചു നടപ്പെട്ട ഭൂമിയില്‍ വേരുകളാഴ്ത്തി ഗ്രാമത്തിലേക്കുള്ള പാത തിരയുകയാണ് കഥാകാരന്‍. നാട്ടിടങ്ങളിലെ മനുഷ്യരുടെ ജീവിതം തേടി നാനാവഴികളിലേക്ക് തിരിയുകയാണ്. പല വലിപ്പത്തിലുള്ള ഇരുപത്തിയഞ്ച് കഥകള്‍ 'ല സാ ഗു' എന്ന ഈ സമാഹാരത്തില്‍ ഉണ്ട്. കഥകള്‍ നോവലെറ്റുകളായി മാറുന്ന ഈ കാലത്ത് ചുരുക്കിയെഴുതുക എന്നത് ഒരു സാഹസം തന്നെയാണ്. ഗ്രാമീണമനസ്സുള്ള കഥാപാത്രങ്ങളാണ് മിക്ക കഥകളിലും കടന്നുവരുന്നത്. ലളിതമായ ഭാഷയാണ് ഈ കഥകളുടെ മറ്റൊരു പ്രത്യേകത. വളച്ചുകെട്ടലുകള്‍ ഇല്ലാതെ വായനക്കാരനുമായി നേരിട്ട് സംവദിക്കുന്ന ശൈലി. 

മോബിന്‍ മോഹന്‍