Amruthakanangal

ഡോ. കെ. ലീലാമണി
വളച്ചുകെട്ടോ അധികം അലങ്കാരങ്ങളോ ഇല്ലാത്ത ഋജുവായ ശൈലിയിലാണ് ഈ കവിതകള്‍ വാര്‍ന്നുവീണിരിക്കുന്നത്. അനുവാചകമാനസങ്ങളിലേക്ക് നേരേ കടന്നുചെല്ലുന്ന ശൈലിയാണത്. ആത്മാര്‍ത്ഥത എന്ന മൂല്യത്തിനാണ് കവയിത്രി പ്രാധാന്യം നല്‍കിയിട്ടുള്ളത്. ഒരു പ്രദര്‍ശനപരതയുമില്ലാതെ അവര്‍ കവിത എഴുതുന്നു. അതിന് അതിന്‍റെതായ ശുദ്ധിയുണ്ട്. ചിരപരിചിത ശൈലിയിലായതിനാല്‍ സഹൃദയര്‍ക്കു ഡോ. ലീലാമണിയുടെ കവിതകള്‍ വേഗം മനസ്സിലാക്കാന്‍ കഴിയും. അതേ, സുഗ്രാഹ്യത, ലാളിത്യം, കലാത്മകത, സൗന്ദര്യാത്മകത എന്നിവ കണ്ടെത്താനുള്ള അശിക്ഷിത പടുത്വം ഈ കവിക്കുണ്ട്. സിദ്ധിയോടൊപ്പം സാധനയും സാഹിത്യജീവിതത്തില്‍ അനിവാര്യമാണ് എന്ന് സാക്ഷ്യപ്പെടുത്തുന്ന കാവ്യസമാഹാരം.