T K Kunjayyappan Master ടി കെ കുഞ്ഞയ്യപ്പന്‍ മാസ്റ്റര്‍

ടി.കെ. കുഞ്ഞയ്യപ്പന്‍ മാസ്റ്റര്‍

കെ.ആര്‍. കിഷോര്‍

വേദനിക്കുന്ന കീഴാളജനതയെ നെഞ്ചോടു ചേർത്തുനിർത്തുന്ന കരുണയാണ് ടി.കെ. കുഞ്ഞയ്യപ്പൻ മാസ്റ്ററെ പൊതുരംഗത്തേക്ക് വരാൻ പ്രേരിപ്പിച്ചത്. അക്കാലത്ത് സാമുദായികമായി ചൂഷണം ചെയ്യപ്പെടുന്നവരുടെ വിമോചന സ്വപ്നങ്ങൾക്ക് ചിറകു നൽകുകയായിരുന്നു അദ്ദേഹം. ആ പ്രസ്ഥാനത്തിൻ്റെ മുന്നണി പ്പോരാളിയായി നിലകൊള്ളുകയും ചെയ്തു. എന്നാൽ പൊതുസമൂഹത്തിൻ്റെ സാമൂഹിക സാംസ്കാരിക രാഷ്ട്രീയ സഞ്ചാരങ്ങളുടെ പുരോഗതിയും അനിവാര്യമാണെന്ന തിരിച്ചറിവുണ്ടായിരുന്നു. എഴുത്തിലും പ്രസംഗത്തിലും രാഷ്ട്രീയത്തിലും യുക്തിചിന്തയിലും സഹകരണ പ്രസ്ഥാനത്തിന്റെ പ്രചാരണത്തിലുമെല്ലാം വായനയിലൂടെയും ത്യാഗസമ്പൂർണ്ണമായ പ്രവർത്തനത്തിലൂടെയും ചിന്തകളെ തപംചെയ്‌തു ആർജ്ജിച്ചെടുത്ത ശക്തിവിശേഷം ഉപയോഗപ്പെടുത്തിയതിന്റെ രേഖാചിത്രങ്ങളാണ് ഈ പുസ്‌തകം.